Ayat-ayat Alkitab Ternama dari Medhetethi 39

Berbagi

Goday Yoosefara de7iya gisho, I oothiyaba ubbaa iyaw injeyis. Yaatin, ba Gibxe godaa son de7is.

I miya kathiw eriyaripe attishin, baw de7iya haraba ubbaa Yoosefa kushen sheedhis. Yoosefi yegelsinne mala lo77o asi.

Yaanin, qasho keetha kaapoy qasho asa ubba Yoosefa kushen yeggis. Yan oosetiyaba ubbaas aawatetha immis.

Iya goday Yoosefa efidi, kawa qasho asay de7iya qasho keethan yeggis. Shin Yoosefi qasho keethan de7iya wode, Goday iyara de7ees. Ba keehatetha iyaw darsidi, qasho keetha kaapuwa sinthan iyaw saba immis.

Guutha wodepe guye, iya godaa machiya Yoosefa be7ada, “Haaya, taara zin7a” yaagasu. Shin I ixidi, iiko, “Be7a, ta goday, baw de7iyaba ubbaa ta kushen yeggida gisho, ba son de7iyabas aykoka hirgenna. Ha son taape aadhey oonika baawa. Neeni iya macho gidiya gisho, neepe attishin, haraa, I taw immonabay baawa. Yaatin, taani waatada haysa mela daro iitaba hanada Xoossa bolla nagara ootho?” yaagis.

Shin issi gallas I ba ooso oothanaw soo geliya wode, soo aylletape oonika son baawa. Iya Yoosefa afila oykada, “Taara zin7a” yaagasu. Shin I ba afila I kushiyan yeggi aggidi, soope kare woxi keyis.