Ayat-ayat Alkitab Ternama dari Medhetethi 17

Berbagi

Abrames laythi uddufun tammanne uddufuna gidiya wode, Goday iyaw qoncidi, “Taani Ubbaa Danda7iya Xoossa, taw kiiteta, ta sinthan polo gida.

Ta nena daro kawotethatas aawa oothana gisho hizape ne sunthay Abrame gidi xeegetenna, shin ne sunthay Abrahaame gidi xeegetana.

Taani newunne neepe guyen ne sheeshas Xoosse gidana mela merina caaquwa ta giddoninne ne giddon, neepe guyera yaa ne sheesha giddon, yeletethafe yeletetha gakanaw ta caaqas.

“Heko ta new caaqiya caaqoy haysa; ne daro kawotethatas aawa gidana.

Shin Xoossay, “Akay, ne machiya Saara new adde na7a yelana, neeni iya Yisaaqa gada sunthana. Taani iyape guyera yaa iya zerethas merina caaqo gidana mela iyara ta caaquwa caaqana.

Neeni ha77i bete gidada de7iya Kanaane biitta ubba newunne neepe guyera yaa ne sheeshas merina laata gidana mela new immana; qassi taani enta Xoossa gidana” yaagis.

Abrahaamey ba som7uwara sa7an gufannidi, “Hay asaw, xeetu laytha asi na7a yelanee? Uddufun tammu laythi gidida Saarika na7a yelanee?” yaagidi ba wozanan miicis.

Xoossay Abrahaameko, “Hizape ne mache sunthay Soora gidi xeegetofo; hachife doomidi I sunthay Saara geeteto.

Hinte addetetha koohuwa dookalite; hessi ta giddoninne hinte giddon de7iya caaquwas malla gidana.

Shin ta caaquwa wonto laythi hanoode Saara new yeliya na7a Yisaaqara caaqana” yaagis.

Hizape yaana yeletethan adde nayti ubbay yeletida hospuntho gallasan qaxareto. Ne son yeletidaysata gidin, woyko allagape miishen shametida aylleta gidin, ne zerethafe gidonayisata dookala. Ne son yeletidaysata gidin woyko miishen shametidaysati qaxaretanaw bessees. Haysan hinte ashuwan de7iya ta caaqoy merina caaqo gidana.