Ayat-ayat Alkitab Ternama dari Mʉkpanganɨa 25

Bagikan

MAKWƆƁƗƗ ɔ꞉musigio ɓɔ: «Ɓana ɓapɨnɨ ngʉɓa wanaɓɔ amati ɔ ɓʉwa, ɓa꞊ɓio sina lɨsɛngʉʉ lɔ mababa kɔ ɓombi kapɨnɨ. Lɨfananja ɗepini ngɨlɛ la꞊chwɛa amati asɔɔ, la꞊nagbonyonoko sina. Ɨfananja mɛngana ya꞊ɓio sina nɔ angu akɔnagaaka ɨyɛ yɔmɔ, nɔ mutatamusie a꞊kyananakɨa sina gwa ata mwana.»

Ga Esau nɔ Yakɔɓɔ ɓɔ: «Ha gue, kikiliki anɨnjonono ɓaka kʉɔ mwana ɔ mʉgbʉtʉ wɔta ngbʉ ngʉwa, ii, ta mʉgbʉtʉ ngʉwɔnanɨ, nɨdyanana dɔ taa yɔnabeluo!» Yaka ngɨyɛ ɓa꞉sʉa-ɔɔ Esau, ino ɓɔ Ɛdɔmʉ, ya꞉kwa ɓanɨ.

Isaka ɛ꞉ta MAKWƆƁƗƗ akɔ yaka yɔ moi angɔ, dɔ a꞉ɓio isude. Kʉdɔ, MAKWƆƁƗƗ a꞉mɨnɨa ikoko. Kʉɓanɨ, moi angɔ Lɛbɛka ɔ꞉siyo ɓʉwa.

Esau ɔ꞉mutosio ɓɔ: «Hoo, ɓʉtapio ɓɔngɔ ɓanakɨa dɔ tɨa ɨmanɨ, nɔɓieni aniwo nɔ taa ɓɔ?» Ga Yakɔɓɔ nayɔ ɓɔ: «Wakio-sɨ silika ta ingono.» Kʉdɔ, ɔ꞉kio silika, nɔ, ɓɔ꞉nagombonio ɓʉtapio ngʉɓangɔ.

Ipiyo gɨyɛ yɔ ɓepini, ya꞉chwɛa yɔpoteni itindi ngɨyɛ yɔ mangɛ Esau. Ɓɔ꞉mʉsʉa ino ɓɔ Yakɔɓɔ. Ɓa꞉nɔta ɓana ngʉɓɔnanɨ, Isaka ɔ꞉ɓieni tɨa nɔ mago ɓatɛkɛɓɛ mɛɗɨa.

Isaka a꞉ɓikʉnda Esau akʉʉ ɔ yaka yɔ ʉsɔsʉ. Lɛbɛka a꞉ɓikʉnda yangɔ Yakɔɓɔ.