Ayat-ayat Alkitab Ternama dari Mʉkpanganɨa 17

Berbagi

Angbinga ngɨa Abalama a꞉ɓio-ɔɔ tɨa nɔ mago ɓatɛkɛɓɛ ɨsaɓɔkʉ nɔ ɨsaɓɔkʉ, MAKWƆƁƗƗ ɔ꞉mʉchwɛanɨa, nɔ, ɔ꞉musigio ɓɔ: «Ɨmɨ akɛ, na Asɔɓɨɨ ngɨa Angu Nɔgbɛ. Kyɛndaka ta ngbingbii apɛɨ ɔ asɛmɨ nɔ ɓio ta ngbingbii.

Dɔ ɨmɨ, nɔ꞉nachwɔ aɓio ɨsɛ wɔ mababa kɔ ɓombi ɓaja, ino ngɨyɛsɔɔ ya꞊ngɔɓio ɓata ɓɔ Abalama, yakamɛngana, ya꞊ɓio tɨta ɓɔ Abalaama.

Ne꞊maiso suo agɔmɛ ngɨasɛmɨ ati eso nɔwɛ, nɔ ɓana nɔ ɓanɔnɔ ɓɔsɔɔ, akɔ lɨnɔtanɨa liɓomu ngɨlɛ lɛ꞊ka sungo ambise asɔɔ. Kʉdɔ ɨmɨ, na꞊ɓio Asɔɓɨɨ ngɨasɔɔ, nɔ Asɔɓɨɨ ngɨa ɔ ɓanɔnɔ ɓaɓomu ngʉɓa ɓa꞊nɔtanɨa ambise asɔɔ. Agɔmɛ ɔngɔ aɓio amati ɔ mago nɔ mago.

«Agɔmɛ ngɨasɛmɨ nɔwɛ a ɓɔ: Ʉwɛ, wa꞊ɓio sina ɨsɛ wɔ mababa kɔ ɓombi sɔkɔmʉ nɔ ipoye.

Yakamɛngana, Asɔɓɨɨ ɔ꞉mutosio ɓɔ: «Yangɔmʉ ɓanɨ! Ta moi asɔɔ Sala akɛ a꞊nanɔtɨa suo mwana, nɔ, wɔ꞊mʉsʉa ino ɓɔ Isaka. Ɨmɨ, na꞊kɨa suo agɔmɛ ngɨasɛmɨ ta akʉʉ ɔ angɔ, nɔ akɔ ɓanɔnɔ ɓangɔ. Agɔmɛ ngɨananɨ, a꞊ɓio amati ɔ mago nɔ mago.

Ɨkʉmbʉ yɔ Kanana ngɨyɛ wa-ɔɔ ɓawele ndʉ mɛɛka ayɛ, na꞊nenjo sina ɨyɔ inu nɔ ɓanɔnɔ ɓɔsɔɔ, ta iɓomu. Ɨkʉmbʉ ngɨyɛnɛnɨ, ya꞊ɓio sina tɨta yeɓo, amati ɔ mago nɔ mago, ɨmɨ akɛ, na꞊ɓio Asɔɓɨɨ ngɨyeɓo.»

Abalaama ɔ꞉gbʉkʉmɨa nɔ mau akɔɓɔya mesu ta akɔ ɨtaka, ɔ꞉pʉnga yakanaka amati angɔ akɔsugo ɓɔ: «Ɨmɨ ngɨa na tɨa nɔ mago mɨa mʉngana, nɛnɨanɨa ndɨ nɔ mwana ta ɨnɨanɨanɨ, nɔɓieni nɔ mago tɨa mɨa mʉngana ɓɔ? Nɔ Sala ɛnɨanɨa nɔ mwana ta ɨnɨanɨanɨ ɔɓieni nɔ mago ɓatɛkɛɓɛ ɨsaɓɔkʉ?» Ɨyɛ ndʉ a꞉tunguo ɓanɨ, ɔ꞉nɔwa tɨta nɔwa.

Ga Asɔɓɨɨ ɓata nɔ Abalaama ɓɔ: «Wangɔɓɨo ɓata anisoko moi asɔɔ nɔ ino yɔ Salaɨ, anɨngwa ɨtakɨtakɨ ngɨyɛ, ino ngɨangɔ ya꞊ɓio tɨta ɓɔ Sala.

Ɨgʉnɨ ngɨyɛ ná꞊kiiso suo, ya꞊ɓio isisenio yɔ agɔmɛ ngɨasɛmɨ nenu.

Yakamɛngana, agɔmɛ ngɨasɛmɨ, na꞊mɨmaiso ta nɔ Isaka ngɨa Sala a꞊nanɔtɨa suo, akɔ igo ngɨyɛ ya꞊nɨka, akɔ angbinga kʉndʉ ɨya.»

Makwaa ɓɛgɨna, ambise ɔ nɔtanɨa ngɨyɔ ɓiga ɓegue ngʉɓeno ɓaɓomu, ɨɓɔ ɓa꞊ɓikiiso sina ta ɨgʉnɨ amati ɔ mago nɔ mago. Ɨɓɔ ta ɓaɓomu, yiɓio ʉɓa ɓa꞊nɔtanɨa gbɛgbɛ ambɛnɨ, kʉndʉ ʉɓa ɓa꞉ɓʉkaya kaya, gʉtʉ ta ʉɓa ɓangɔmʉ akɔ ɨfananja ngɨyeno. Kʉɓanɨ, ɓague ɓaɓomu ngʉɓa ɓa꞉nɔtanɨa andɔɔ ambɛnɨ, kʉndʉ ɓabaya ngʉɓa wa꞉ɓʉkaya nɔ ɓagyɛgyɛ, ɓikiiso pɨ ta ɨgʉnɨ. Iɗo ambɔ yiɓio isisenio yɔ agɔmɛ ngɨasɛmɨ akɔ ndʉtʉ ngɨyeno, agɔmɛ ngɨa a꞊gbalɨa mago nɔ mago.