Ayat-ayat Alkitab Ternama dari Kejadian 2

Berbagi

Ati ara, yatanye do nirya, el li koprop ap, el lin koprop ap, sik aik batakuka, el doplye kil ati, kanye deibuka, sik tonok neika unamdake. Sik nong tonok atonun unamdake.

Aminyan ara, Weik Deiyoknye Allah, el si Yahweh arye, utenebukce, nyabuk. “Kume. Tukwaknye kwepdeipsinye, el yuk ulula ara, teleb kume. Ati ara, el melina ati, el ap pia teleb ubuka neika upmanto ning ton, kwepdeipnune,” nyabuk.

Atalak noutam arye, Weik Deiyoknye Allah, el si Yahweh arye, tukwak mikamuk tuku doprobukce, tuku pinibuka, ninye nong tonok kwepdeibukce, el u pum bisik si pito pubukba, isin ubuk. Winibuka deice arye, anye kam una deiyok ning arebukba, isin wekukce, kam bukuk.

Arebukura, Adam arye, nyabuk. “Kume. Akil ara, el yok ara, na yok anya. El tup ara, na tup uka. Sal nong noutamak arye, dobuka kwepdeipmal ning anya arye, el si ara, ‘Kil,’ nyapne.” Adam arye, nyabuk.

Tonda Allah arye, teleb yupu nyabuka, tek sum ati, “Pia teleb,” nyabukce, pia weik sum ati wipdeibuk. Ara, Allah arye, aning-aning nirya, yala-yala weik kwepdeibuka unmoka ani, akunum sirya dakukopura, tek sum arye, dikdik sebuka ati, asum ara weik sum kipdeibukce, wipdeibuk.

Ura, anang bitinye kwepdeibuk talak ara, anye babye, el kil babye, sik talye bananguk unmarik bukni, alye una kum diparyuk, talye kanye bobuka unmarik.