Ayat-ayat Alkitab Ternama dari Marko 13

Berbagi

Oliwarik adi itai aati daŋ ta afure hoŋ ati ol odihu’to many isidi italahuni adi.

Ihumata mijo, ihumata ’ra. Ibyaŋata tai imijana baya adi ottu inyi.

Al iyarai isi itai ilokikoi helafuhoti jo anyo adi ikyanati tai ati ikyanati ihwa isyori jihatai ta asaa nya ikyanari. Nyo obeŋ ara ekyana hatai ati ara ekyana ono Oloyiri ol Olibo.

Nyo obyaŋarani adi nedou iko nafau ati obeŋi adi nekyanita hoŋ olitohini ’tuŋ.

Ati to oloŋ ania iko asaa on ottuniere inyi obeŋ obo omijak, dwadi bu anjelohyen hutte dou iko Lonyi Hollum, obeŋ obo omijak arari Monye hama omijak.

Al itaniŋuna tai jo owon narrem bwo fe itaniŋuna tai aati ikyanai jo errem adi hohoi, helafuhoti, nyo oŋida erre huna daŋ ofwonni ati hobeŋ esidi fau.

Tania ihumata mijo nyo ibyaŋata tai imijana baya adi ottu eleittok hatai. Kuyya ottu adi inyi ta akikai, kuyya bu ta attari, kuyya ottu inyi ilok ohohoro, kuyya bu ta amotye. Ihumata ŋadi ilunyu inyi lunyuna bwo orumak itai ijototi. Erre hun ekyana ni jihatai ekyana ni jyo aati daŋ, ihumata mijo.

Nyo ofwoi adi laati hutto miji obo jyo obo irryomoniere, bwo fe laati hutto lobye obo jyo obo. Ikikiro adi afau imasik hun olufaji bwo fe ottu adi ahure on obolo’to, ati arai erre huna etteri ono ettigemita hun obolori.

Ati ihosyere esidi fau oŋida iramani asayyo hun oyiji’to jyo laati daŋ hutta fau daŋ.

Ofwonni adi laati arryai ta afure hoŋ hul ojori, Ani alya Kristo, bwo itisyabari adi isi aati arryai.

Ihumata ahwattek hatai, iyarai adi itai ilokikoi bwo fe abahye adi itai ihaji imojit. Iyaŋunie adi itai bwo fe ihosyere mandiri iko hobwok ta afure hoŋ iramaniere neruk hatai.

Nyo odyotoi adi Kristohyen lenyabak iko ebwanak lenyabak hul ihanie adi netamijanita hun obolori iko nedwariti ikemyerek hul onyimuni itisyabari isi.

Ihalu ettigemita huno noŋitek hunia, oye adi oloŋ bwo fe nayafa ette ilak faŋan. Ottoi bu elelyefi douna t’edou, bwo fe ikikiroi adi negoliti hutte dou.