Ayat-ayat Alkitab Ternama dari मत्‍ती 7

Bagikan

“परमेस्‍वर ते मांगौगे तौ तुमें मिलेगौ, ढ़ूढोगे तौ तुम पाऔगे, खटखटाऔगे तौ तुमारे काजै खोलौ जाबैगौ।

चौंकि जो कोई मांगतै बू पाबतै और जो ढूंडतै बाय मिलतै और जो द्वार खटखटाबतै वाके काजै खोलौ जाबैगौ।

“जो आदमी मेरे वचनन नें सुनतै और बिनपै चलतै बू आदमी बा बुद्धिमान आदमी जैसौए, जानें अपनों घर चट्टान पै बनांयौ।

जामारै तुम जैसो दूसरेन ते अपने काजै बरताब चाहतौ। बैसेई तुम दूसरेन के संग बरताब करौ। चौंकि परमेस्‍वर की व्‍यबस्था और परमेस्‍वर की बात बतायबे बारेन की जेई सिछाऐ।

पर सकरे दरबाजे कौ रस्ता जीबन की ओर लै जाबतै बापे थोरेई लोग जाय रये हैं।

“सकरे द्वार के रस्ता ते भीतर घुसौ। चौंकि चौड़े दरबाजे कौ रस्ता नांस की ओर लै जाबतै, भौत से लोग ऐसै हैं जो चौढे रस्ता के दरबाजे ते जाय रये हैं।

जब तुम बुरे हैके अपने बालकन्‍नें अच्‍छी चीज दैबौ जानतें तौ तुमारौ सुरगीय पिता अपने मांगबे बारेन्‍नें अच्‍छी चीज चौं नांय दैबेगौ?

“तुम दूसरेन पै दोस मत लगाऔ जाते के तुम पैऊ दोस नांय लगायौ जाबै। चौंकि जा तरीका ते तुम दोस लगाबतौ बाई तरीका ते तुम पैऊ दोस लगाऔ जाबैगौ, और जा नाप ते तुम दूसरेन काजै नापतौ बाई नाप ते परमेस्‍वर तुमारे काजैऊ नापैगौ।

पर जो आदमी मेरी इन बातन्‍नें सुनें और उनपै नांय चलै, बू बा मूर्ख आदमी के जैसौए जाने अपनों घर बालू पै बनांयौ।

“तोए तेरे भईया की छोटी-छोटी बुराई तौ दीखतै पर तोए अपनी बडी-बडी बुराई नांय दीखत? जब तेरी ही आँख में लठ्‌ठाए तौ तू अपने भईया ते कैसे कैह सकै कै, ‘मैं तेरी आँख में ते तिनका निकार दऊं’?

“परमेस्‍वर के बारे में झूंठी बात बतायबे बारे जो परमेस्‍वर की ओर ते नांय तुम बिनते सावधान रहियों, जो तुमारे जौरै भेड़ के भेस में आबतै असल में बे फाड़बे बारे भेड़ियाएं। बिनके कामन ते तुम बिनकूं पैहचान लिंगे। चौंकि झाड़ीन में अंगूर और ऊँट कटारे में अंजीर नांय लगत।

जई तरैह ते अच्‍छे पेड़ अच्‍छे फल लाबतै, पर बुरे पेड़ बुरे फल लाबतै।

अच्‍छौ पेड़ कबऊ बुरौ फल नांय लाबै और बुरौ पेड़ कबऊ अच्‍छौ फल नांय लाबै।

बू हरेक पेड़ जो अच्‍छे फल ना लाबै, बू काटौ जाबैगौ और आग में डारौ जाबैगौ।