Ayat-ayat Alkitab Ternama dari Matiyu 6

Berbagi

Á Kirinŋ wɔ Masabi ki fa ǹʼwɔ telibi ki ceeli sun. A niŋ ma, Kirinŋ a niŋ finŋ kiri bataa bo ǹʼsun ábɛɛ gbɛ.

Á fa á ciirufɔni siri bira kì. Á siri bi kiri bo siri ra. Jibi bataa fa a ru fɔɔnbi yɛ. Ǹʼbataa wɔ fɔɔnbi i ǹʼnapo-a. »

Yesu tu kí tɛ tu : « Míŋ i ǹʼbi-a ábɛɛ tɛ ńʼtu : ‹ Á fa á gbɛɛratɛɛ áwɔ nufinŋ ki fa á bonsunjuulinŋ kiri kilaka ɲaan bira kì. › Ábɛɛ ǹʼtɔ tu ɲini ki bi ki gbɛ nufinŋ bi wu kì wa? Niŋ fa tu firi ki bi i gbɛ juulinŋ bi wu kì wa?

Nka, a miŋ ji-a Kirinŋ nafɛ, de nʼwɔ fu ciiru fudaŋ ki bɛɛ ru, ŋi i ǹʼtɔnŋ ki sɔɔn nʼsun, miŋ Tiŋ Kirinŋ wɔ̀ i mani nadumaan kiri ru, ŋi i niŋ nafɛ. Ninwɔ̀ ɲaniŋ i bi radumaan kiri ra, ninki a miŋ sali.

A ábɛɛ ji Kirinŋ nafɛ-a, á ǹʼnafɛ ka ɲaan ka tɛ tu : ‹ Yibɛɛ Tiŋ, ábɛɛ wɔ̀ i kirinpɔli ki ra, ábɛɛ tɔ wɔlinŋ ki gbɛ konaŋ bataa gbɛ. Áwɔ masabi ki na. Ábɛɛ dintɛ bi ki ma pwɔkulinŋ ki sun, miŋ tu ŋì i ma-a kirinpɔlila ɲaan wɔ̀ tɛ.

Á yɔɔ jiŋ nufinŋ ki wɔri yi tɛ.

Á yɔɔ pɔli kiri tu yi tɛ, miŋ tu yibɛɛ i yi gbɛ koŋ pɔlimaan kiri wɔ pɔli kiri tu-a kí tɛ ɲaan wɔ̀ tɛ.

Á fa ta yibɛɛ wu yi kɔrɔbɔmaŋ nu kì, nka á yi mwu san shitaanni ki wu. [Sabu, masabi ki fa sotinbi ki fa gbɛbi ki i ábɔɔ waarinŋ bataa ru. Amiina.] › »

Yesu tu sɛbɛ : « A ábɛɛ ji konaŋ kiri wɔ pɔli kiri tu-a kí tɛ, ábɛɛ Tiŋ wɔ̀ i kirinpɔli ki ra, niŋ yɛrima ki a ábɔɔ pɔli kiri tu á tɛ.

Ábɛɛ juunŋ ɲaannaanŋ kiri shɛɛli, yìrì finŋ firi-ra kì, yìrì dumiŋ bilaŋ tɛri-ra kì, yìrì bilaŋ nakɔli bo-a cinŋ nu kì, nka ábɛɛ Tiŋ wɔ̀ i kirinpɔli ki ra, niŋ i yìrì tɔnnafɛ-a! Ábɛɛ pari nini wu pewu pewu kì wa?

Yesu tu sɛbɛ : « Á fa nafulu lakɔli bo á tɛ ka juniɲa ka ru kì. Cininaŋ ni a so de-i ǹʼnu, kpɛlikpɛli i so ǹʼpa-i, kwunŋ ni i so ǹʼbo fu ki tɔnŋ yali-i, kí i ǹʼshi sɛbɛ. Nka, á áwɔ nafulu ki rakɔli bo á tɛ Kirinŋ wɔ ki ru. Cininaŋ ni a de ǹʼnu niŋ mani nu kì, kpɛlikpɛli dumiŋ a ǹʼpa kì, kwunŋ ni fani dumiŋ a so ǹʼfu ki tɔnŋ yali-i, kí i finŋ shi nmaŋ kì. Sabu, mɔɔn nafulu ki i mani wɔ̀ ru, miŋ ciiru ɲakili ki bataa i niŋ mani ki ru sɛbɛ. »

Yesu tu sɛbɛ : « Koŋ tɔri tenŋ so-a cinŋ ma-i ŋununtiŋ fuuli tɛ kì, sabu tenŋ ki bi a kwɔ ntiŋ sun, tenŋ ki bi i di ntiŋ tɛ. Walima ntiŋ a a kulu tenŋ tɛ, ntiŋ na a kulu tenŋ tɛ kì. Mìŋ ɲaan tenŋ ki tɛ, ábɛɛ ra so baara ma-i Kirinŋ tɛ, á i ǹʼma jalinŋ ki tɛ mìŋ waaci tenŋ ki ru kì. »

Niŋ ɲiŋ ki wɔ̀ i ja-a jiŋ, siri, tuu i ji-a ǹʼpa, a Kirinŋ ji niŋ sunyeka shɔ-a ka ɲaan ka tɛ, ábɛɛ ǹʼtɔ tu ŋì a ábɛɛ sunye, ŋì i fwuu niŋ sun kì wa? Ábɔɔ bilinabi ki kuru-i dɛ!

A miŋ ji shɔɔrinŋ ki ma-a, miŋ panŋ gbɛ ki i finŋ wɔ̀ wɔri-ra, fa ncusun miŋ nɔrinŋ gbɛ ki i niŋ tɔ kì. Niŋ ɲaan ki tɛ, nʼwɔ shɔɔrinŋ ki ma du ru, miŋ Tiŋ wɔ̀ i bi radumaan kiri bataa ja-a, niŋ a mɔɔn sali ki wɔri nʼtɛ. »

Yesu tu sɛbɛ : « Dɔnsaŋ, á á yɛri paka tɔ, á fa áwɔ Kirinŋ saa tirimaanna ki ji konaŋ ni ɲaanna bi i kì dɛ! A niŋ ji-i kì, ábɛɛ ra sali kila áwɔ kirinpɔlila Tiŋ ki gbɛ kì.

Yesu tu : « A ábɛɛ ji sunŋ na waarinŋ wɔ̀ ru, á fa á ɲaannuŋunu miŋ tu wulufuulibitɔnŋ kiri kì. Nini i arì ɲaannuŋunu-na, nwɔma konaŋ kiri i ǹʼtɔ tu arìbɛɛ sunŋ na. Sɛli ki ra, míŋ a ǹʼbi ábɛɛ tɛ, ńʼtu kí arɔɔ sali ki kila niŋ i kɔ. Nka, nwɔ̀ i miŋ, a miŋ ji sunŋ na, nʼɲaannu ki wu, ŋi i ŋuŋ kini jii kɔri nʼsun, nwɔma konaŋ kiri fa ǹʼtɔ tu miŋ sunŋ na kì, duu miŋ Tiŋ wɔ̀ i mani nadumaan kiri ru. A niŋ ma, miŋ Tiŋ wɔ̀ ki i bi radumaan kiri ja-a, ninki a miŋ sali. »