Ayat-ayat Alkitab Ternama dari Lɔgɔ Sabba 1

Berbagi

Na koo seu, “Ga kètegenydo zugo ɛya na, na kɛ̀tɛhɛyɛ ko agge. Na kɔtɔlɔmɔ buyn na kalliyɛy ngaahaya ɛl bayte kumulɔng, urgusa ko shɔa ko ahaa kìwoo ko ahaa silolnɛna bay bay ko ga chicho chicho gen kumulɔng.” Na Tumu tegenyo zugo ɛya nɛnɛ. Na kona te may, kona te ngahi.

Na tuhu na sɛɛsɛ, “Bhɛldɛ na tɛhɛtɛy ko ba. Na ba any kete na nu. Na ahaa ɛlla bay kumulɔng alliyɛy ꞉iggeu.

Bere sabbɔ Tumu ghendono ba ko tumu.

Na ngakaldonu ba bere iho hɔlɔng. Na iho ke na bo rudhinɛna iho gɛrrɛng gɛrrɛng na ba kumulɔng ulubbɛa ꞉ma na anna mugur. Na Kuloya Tumu ɛlɛlɛwannɛna ma tundɔ.

Na koo Tumu seu, “Ba any kete hɔli!” Na teu.

Na aru ahaa ghendono bhoy hunde a challi gooreye. Na bho baru na aru na ungo te illɛy.

Na gɔnyu bhɛa hɔldin anɛa challi. Na ngɛru. Na hɔldin ojju bhichang, mugur ojju bhichang.

Ngaahaya ɛl bay ngaya chillɛ ku kɛnɔye ko ngalanyda lɔmmɛ kawarɛye, any ke amissɛte kajjung na ammoye.

Na hɔldin tɔgɔdhɛsɛ sara na eliu “kali,” na mugur eliu “bar.” Na bho baru na aru na ngaunggonu te unga sabbune.

Na koo seu, “Any kɔtɔlɔ bhee ku tolu ngɛrnɛnɛ ma.”

Na kɛginyaa dusuny ko ga kìwoo ko shɔaa bansɛa tumɔ ko ahaa silolnɛna bay bay ko ga chicho chicho gen kumulɔng, yɔk any kɛghɛ lanya ko bhalloga na kete amissɛte nɛ ammɛye.” Na teu.

Na nɔng seu, “Tumu tundɔ any kɔtɔlɔ gala waldɛa na kàtaktɛ bar ko kali na karaktɛ bɛrgunya ko oynya.

Na seu, “Ba any kichilday kɛna lɔmma kawarɛ ko ahaa kàmma tayɛn kari.” Na teu.

Na koo ngɛru. Na ma gen tɛldi bay, gen tɛldi tumɔ.

Na ba childay kɛna lɔmma kawarɛ ko ahaa kàmma tayɛn kari. Na aru bhɛa anɛa challi.

Na tegenyo gala waldɛa bo bibiyo ramman na kona keteriny ba kaliyɔ, kona keteriny ba barɔ. Na tegenyo munyunya sɛgɛn.

Na koo seu, “Ngamaya ɛl bayte any kegendɛ na han gen kete dhɔrɔgɔsi,” na bhugnyɛsɛ damiyaa yokkonɛa. Na hana dhɔrɔgɔsa tɔgɔdhɛsɛ sarre kèe “ba.” Na hana muginɛnɛa ma tɔgɔdhɛsɛ sarre kèe “yirsɛna.” Na aru bhɛa anɛa challi.

Na tuhu na sɛɛsɛ, “Ahaa bhakko ma toye, bhɛldɛ na tɛhɛtɛy ko maa yirsɛnnuny. Na shɔa ko yɔk any kɛbhɛldɛ bay na kete mɛri.”

Na seu, “Ba any kɔtɔlɔ ahaa kìwoo ko kɛginyaa dusuny ko ahaa silolnɛna bay bay ko ga chicho chicho gen doriyo doriyo.” Na damiya senɛa tegenyo kɛginyaa dusuny ko ahaa kìwoo ko ahaa silolnɛna bay bay ko ga chicho chicho gen doriyo doriyo na teyo. Na aru bhɛa anɛa challi.

Na seu, “Ma any kɔtɔlɔ ahaa bo mɛra bhakkɛa toye. Na shɔa ko yɔk any kɔtɔ tumɔ.”

Na seu, “Ba any kɔtɔlɔ ahaa kìwoo ko kɛginyaa dusuny ko ahaa silolnɛna bay bay ko ga chicho chicho gen doriyo doriyo.” Na damiya senɛa tegenyo kɛginyaa dusuny ko ahaa kìwoo ko ahaa silolnɛna bay bay ko ga chicho chicho gen doriyo doriyo na teyo. Na aru bhɛa anɛa challi.