Ayat-ayat Alkitab Ternama dari Jone 12

Berbagi

Mada sa ta wane ka ra ifaku, nia kai lae mai iburiaku; ma si kula nau kwai to iei, kula eri lau boo wane ni ra nau kai to iei: mada sa ta wane ka ra ifaku, nia na Maka nau kai fare baita ania.

Wane na kai ogoni ana maṉona, maṉona kai aana faisi nia; ma wane na ka lalakwatania maṉona i fanua nei iano, maṉona kai to isana ana marukia tatha.

Mamana, mamana, ku soree isamulua, Mada sa ta foee uiti e ai si asia i theegano, si mae, do eri kai to talitoona boo; ma mada sa nia kai mae, nia kai fuṉu ana foee do oro.

Nau ku lae mai ṉa lalaa la i la fanua nei iano, fasi ni tei bana na kai fitooku ka ai si to i la maerodo.

Ma mada sa ta wane ka roṉoa si ṉata nau, ma ka ai si faamamanea, nau e ai kwasi ṉata suli nia mala wane ni kotu: uria ni nau kwasi lae mai fasi kwai ṉata una eri sulia toa na fanua nei iano e ai, fasi kwa faamarukia toa na fanua nei iano.

Mania ni Meri e ṉalia mai ta si gwai inoto ne kulua faamau, do usi lana e baita faamau, ka gwaia aaena tha Jesus, ma ka usua aaena ana ifuna: ma maafera eri sui boo ka makwa lea sulia gwai eri.

Keka ṉalia abana niu ki, keka lae kau fasi keki toda ani nia, keka suuni, keka una eri, Tha God ka thuthufi nia: Lea iana, Kiṉa Isirela, na kai lae mai ana thatana tha Lord.

Ma tha Jesus ka luuda, ka una eri, Kadee thato be fula naa, na keki faainotoa Kaluwane imole ania.