Ayat-ayat Alkitab Ternama dari Mǒhtûlû̌hǎhtûsa 3

Berbagi

Bǎ mamǔ kè̌shǐ sǒsǎhtǒo akha, awî̤ mè̤mè̤̌ nû̌ûya, a to nû̌ûsò̌phlǒ dě sò̌yṳ ǎ, bǎ nû̌ûsǔshi ta glè ǐ nû̌û ta̤sî̌jò dě a běhtò̌ sǒsǎhtǒo dě a ǎ, htohǒtò̤ a ǐǎ tṳtṳ nû̌ûta awṳ̂ htě a ǒkû̌ nû̌ûhtǒo dě awṳ̂ ǎ kû̌ sǒsǎhtǒo.

Bǎnukha, wṳ̂ ǒ tobo. Dě bǎ Běcǎ Cǒmara tûjûpwa̤ bǒlò̤ ta̤phû̌ta̤li̤ toǒ aklanu, ta̤mi̤ htě aplò̤nu toǒ akla wṳ̂ htǒonu mî̌ a lîmòkhlobò ta kò. Dě a hèhî̌ mamǔnu tapwa̤, “Cǒmara hî̌ mè̤mè̤̌ ta sǒsǎ titètè̌ bǎbǎ sǒsǎ htě a ǒ Edîwe̤kû htǒonu sî bǎ ǎyǎ nî̤ tò̤ a hî̌ sî hǐnu ya?”

He nohtûhtò̌ na ta mamǔ htǒotapwa̤ khuwè̤ pě, nakhlinalè tapwa̤ ta mamǔ akhlialè tapwa̤ shě nû̌û pě, dě mamǔ akhlialènu tapwa̤ yî̤mǔ nahǐkǒ pě dě na ělè̌ mamǔ akhlialè makhûnu tapwa̤ khò̌tonǒkò pě.”

Htodě a hî̌ mamǔnu tapwa̤, “Na mo̤dohtò̌ mè̤mè̤̌ ta ta̤pò̤ta̤sha ta̤shuphǔshèwè pě, dě na phû̌ǒ khòjîkhòjû pě. Nasò̌phlǒ ata̤sò̌yṳnu a htû nawṳ̂ aya pě dě a pǒǐ na pě.”

Na la̤ǎla̤o aya na bǎ jipwi̤ǎ jipwi̤wè̤ kwǐshimèlò̤ to̤dě na gehtûsǒ ta lo̤hǎnu pě. Kò bǒ na ta lo̤hǎ akhû̌akhî, na bǎ htûgesǒ ta lo̤hǎ pě.”

Dě a hî̌lè̌ Ada, “He mǎnǎyo̤ ta na bǎ ǎ sǒnu tosǒ asǎ tò̤ he hî̌ na pwǎ̤ta na gana̤de namayo̤ ta na cû̌ǎ akhû̌akhî, nakhû̌nakhî, he ǐshokè hǎkhû̌htǒo hǒ, na la̤ǎla̤o aya na bǎ jipwi̤ǎ jipwi̤wè̤ ta̤ tûjûpwa̤ pě.

Dě Běcǎ Cǒmara tûjûpwa̤ hî̌ yǎ, “Ûpè tapwa̤ hî̌ na ta na ǒkûgle pè? Mî̌ na cû̌ǎ sǒsǎ htě he noǎ na tò̤nu hǒkò̌?”

Běcǎ Cǒmara tûjûpwa̤ wṳ̂hǎhtò̌cû̌kèhto asî dě a bè̌ǒ nû̌ûta ta̤phû̌ta̤li̤ htě aděge ǒ dě kò kaǎ nû̌ûta Kherǔbe Edîwe̤ mṳhtò̌ tokho. Dě a bè̌ǒ nò̌she shěrakha tabǎ dě a gèplo̤htò̌ sǒsǒta mî̌plo̤nu. Dě a noǒpo̤ǐ nû̌ûta sǒ htě a ǐ kò ta̤htûpwa̤nu tosǒ.

Ada amahtǒo a htûbò kòyò htě a htûpwa̤ toǒ amo̤ pě akhû̌akhî, Ada kaǎ nû̌ûmi̤ ta, Ěwa̤. (Ěwa̤ amûasǎ mî̌ ta̤htûpwa̤.)