Ayat-ayat Alkitab Ternama dari Piancilna 3

Berbagi

Tua ahih ciangin singkung a hoihna, mi a pilsak dingin tua singkung a deihhuaina a muh ciangin, a singgah lo-in a ne hi; amah in zong singgah kimkhat a pasal pia a, a pasal in zong ne hi.

Tu-in gulpi pen, TOPA Pasian’ bawlsa gamlak ganhing dangte khempeuh sangin ngiansiam zaw hi. Amah in numei kiangah, “Pasian in, ‘Huan sung sing khatpeuh peuh ne lo ding,’ hong ci ahi hiam?” ci hi.

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Tua ciangin numei' kiangah, “Naupaina-ah na gimna nakpi takin ka khangsak ding a, gimna tawh nau na suak ding hi. Ahi zongin na pasal mah na deih ding a, amah in nang' tungah hong uk ding hi,” ci hi.

Lei-ah na ciahkik matengin na maitang-ah khua-ul tawh an na ne ding hi, bang hang hiam cih leh tua sung panin nang hong kipiangsak a, nang in leivui na hi hi, leivui-ah na ciahkik ding hi,” ci hi.

Tua ciangin mipa’ kiangah, “Nangmah in na zi’ thu mangin, ‘Nang in na ne kei ding hi,’ ci-a nang’ tungah kong thupiak singgah ne khin na hih ciangin, nangma’ hangin leitang in samsiatna ngah hi; na nuntak tawntung gimpi-in nasemin, na annek ding na zong ding hi.

Amah in, “Na guaktanga na omna kua in hong gen ahi hiam? Na nek loh dinga kong thupiak singgah ne na hi hiam?” ci hi.

Amah in mipa hawlkhia hi; kherubte leh mun khempeuh a nga thei meikuang namsau pen Eden huan nisuahna lamah nuntakna singkung lampi a cing dingin koih hi.

Adam in a zi’ min pen Evua ci hi, bang hang hiam cih leh amah in mihing khempeuh’ nu ahi hi.