Ayat-ayat Alkitab Ternama dari मरकुस 5

Berbagi

यीशु तेस जे बोलु, “कुईए, तेईं मोउं पुठ विश्वास किआ, तोउं त तु ठीक भोई गई: मठे गा, त अपु ख्याल रख।”

हुसुड़े अन्तर यक जिल्हाणु थी, जेस बाराह साल केआं अखियई बीमारी थी। तेन हर यक वैदी केईं घेई घेई अपु सोब रुपेई खर्च छओ थिए। तोउं बि तस कोई फरक नेओथ लगो, बल्कि तसे बीमारी सुआ बधो थी।

त तिखेईंए तसे अखियई बीमारी बन्न भोई गई। तेस लगु कि से ठीक भोई गई।

तोउं तेन कुई हथ टाइ कइ तेस जे बोलु, “तलीता कूमी!” जेसे मतलब असा, “ए कुईए, अउं तोउ जे बोता कि खड़ भो!”

से होता बोलुणे लगो थिआ कि अराधनालय मुखिये गीहा कुछ मेह्‍णु एई कइ बोलु, “तें कुई त मर गई। अब गुरु किस दुख देन्ता?” तेन्के बोके कोई परवाह ना कर कइ यीशु अराधनालये मुखिया जे बोलु, “डर नउ; बस मोउं पुठ विश्वास कर”।

त यीशु तेस जे बोलु, “ए दुष्ट आत्मा, अस मेह्‍णु अन्तरा भीं निस!” तेस अन्तरा दुष्ट आत्माई जोरी जोई बोलु, “ए यीशु, परमपिता परमेश्वरे कोईया, मोउं तोउ जोई की कम? अउं तोउ परमेश्वरे सोह दिआन्ता कि मोउं कष्ट न दे”। यीशु तेस केआं पुछु, “तें नओं की असु?” तेन बोलु “में नओं ‘सेना’ असु; किस कि अस सुआ असे।”