Ayat-ayat Alkitab Ternama dari लूका 3

Berbagi

जेबा सभी लोके बपतिस्मा लऊ तेबा यीशु भी बपतिस्मा लई करे प्रार्थना करदअ लागअ थी, तेबा सरग खुलू। होर पवित्र आत्मा कबूतरा रे रूपा में आई, होर स्वर्गा का यह आकाशवाणी होई तूह मेरअ प्यार शोहरू साहा हाऊं ताहका खुश साहा।

तेबा यूहन्ना त्याह सभी वै बोलू महा तमावै पांणी मेजा कअ बपतिस्मा दीणा पर जोह होर इछण आल़अ साहा सह महाक शक्तिशली साहा; हाऊं ऐता बराबर भी नांई साहा कि हाऊं तेऊरे बूटा रे तसमे भी नांई खोली सका दअ। तेऊ तमावै पवित्र आत्मा होर आगि संघे बपतिस्मा दीणा।

तेबा मन फिराव री तणी फल़अ आणा, होर आपणे मना में यह नांई सोचे कि माह रअ बापू अब्राहम साहा, किबेकि हांऊ तमावै बोला कि परमेश्वर याह पाथरा का अब्राहमा बे शोहरू पैदा करी सका

होर एबरे खुराडअ बूटे री जड़ा सेटा पूजअ, तेबा जोह बूटअ रामडअ फल़ नांई दीनदअ, सह काटणअ होर आगि में पाऊण।

जेड़ा यशायाह भविष्यद्वक्ता बोली दे वचनों री कताबा मेज़े लिखू दा साहा, बूणे एकी पुकारणे आले रअ शब्द शुणन्दअ लागअ दअ साहा कि, परमेश्वरा री बात त्यार करा, तेऊरी वात सीधी बणआ। हर एक माडी ज़ागह ठीक करणी होर हर एक पहाड़ जोह उछट साहा सह नेटअ करणअ होर जोह डिगअ साहा सह सीधी करण जोह उछ़टअ नीहटअ साहा सह च़ोऊडअ वणाउणअ। होर हर प्राणी परमेश्वर रा उद्धार हेरणा।