Ayat-ayat Alkitab Ternama dari YAWHAN 10

Bagikan

Lagut gaw, lagu na, sat na, hpya sha na, nga nna she sa ai. Ngai chyawm gaw, sagu ni asak hkrung lu na hte dai asak hpe nhpaw n-ya lu la mu ga ngu nna sa ring ngai.

Ngai gaw sagu rem wa kaja rai nngai. Sagu rem wa kaja gaw sagu ni a matu tinang a asak nawng kau ya lu ai.

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai.

Ngai shanhte hpe n htum n wai asak jaw mawe ai rai nna, shanhte galoi mung si ai hkrum na ma ai n rai; nye a lata na shanhte hpe kadai e mung kashun gare kau lu na n rai.

Ngai gaw chyinghka hku rai nga nngai; ngai hta shang ai wa gaw, hkye hkrang la ai hkrum na wu ai rai nna, shang wa pru wa rai lu ai hte, wudat shara mu na wu ai.

Ngai gaw sagu rem wa kaja rai nngai; nye Wa gaw ngai hpe chye ai rai nna ngai mung Wa hpe chye nngai zawn

Shanhte hpe nye a lata hta ap ya ai nye Wa gaw, yawng hta grau kaba nga ai rai nna, kadai mung Wa a lata na shanhte hpe kashun la lu na n rai. Ngai hte nye Wa gaw langai sha rai nga ai,” ngu tsun wu ai.

nye a sagu ni hpe ngai chye nngai, nye a sagu ni mung ngai hpe chye ma ai; sagu ni a matu mung, nye a asak ngai nawng ya kau nngai.

Gade e mung nye a asak hpe nawng kau shangun ai n rai. Nye a myit hte ngai nawng ya kau nngai. Nawng ya kau na ahkang hte bai la na ahkang ngai lu nngai. Shing rai galaw na matu nye Wa gaw ngai hpe hkang da ni ai,” ngu mu ai.

Dai re ai majaw Yesu shanhte hpe bai tsun mu ai gaw, “Ngai nanhte hpe kaja wa teng teng tsun made ga, ngai gaw sagu ni shang ai chyinghka hku rai nga nngai.

Nchyang sha re ai wa gaw, sagu rem mung n rai, sagu madu mung n re ai majaw, chyahkyawn ni sa wa ai mu jang, sagu ni hpe kau da nna hprawng mat wa nga ai, chyahkyawn mung sagu ni hpe hpya sha nna shabra kau nga ai.

Yesu gaw, “Ngai nanhte hpe teng teng tsun made ai gaw, sagu lawng de chyinghka lam hku n shang ai, kaga lam hku shingtawt shang ai wa gaw, lagut damya rai nga ai.