Ayat-ayat Alkitab Ternama dari मत्तय 2

Berbagi

तेस्नी घर मा जाईसन त्या बाळ ले तेनी माय मरिया ना संगे देखा, आणि गुळघा टेकीसन तेले नमन कर, आणि आपला आपला थैल्या उघाळीसन तेले सोना आणि त्या प्रकार ना लोबान जेना गोळ सुगंध ऱ्हास आणि हय महाग ऱ्हास आणि गंधरस भेट चळाव.

जव राजा हेरोद यहूदीया प्रांत वर राज्य करत होता, त येशु ना जन्म त्या प्रांत ना बेथलेहेम नगर मा हुयना, तव पूर्व कळून बुद्धीमान लोक ज्या तारास्ना अभ्यास करतस, यरूशलेम शहर मा ईसन विचारनात. तो पोऱ्या कोठे शे जो यहुदी लोकस्ना राजा बनाना साठे जन्म लीयेल शे? कारण कि आमी पूर्व कळे तेना जन्म ना बारामा दाखाळनारा तारा देखनुत, आणि तेले नमन कराले एयेल शेतस.

आणि म्हणून त्या चालना ग्यात, आणि रस्ता मा तेस्नी तोच तारा देखनात जो तेस्नी पूर्व कळे देखेल होतात. जव तेस्नी तेले देख, तव त्या गैरा खुश हुयनात. हवू तारा तेस्ना पुळे-पुळे चालना जठलोंग कि त्या, त्या जागा वर नई थांबी ग्या जठे बाळ होत.

आणि परमेश्वर नि तेस्ले स्वप्न मा हय चेतावणी दिधी, कि हेरोद राजा कळे परत नका जायज्यात आणि तेस्नी राजा ले बिगर सांगाणा दुसरा रस्ता कण आपला देश ले चालना ग्यात. तेस्ना जावा नंतर परमेश्वर ना दूत नि स्वप्न मा योसेफ ले दिखीसन सांग उठ; तो पोऱ्या आणि तेनी माय ले लिसन मिसर देश ले पयजा; आणि जठ लगून तठेच रायजो जठलोंग मी तुले नई सांगाव, कारण कि पोऱ्या ले मारी टाकासाठे हेरोद राजा तेले झामलनार शे.