Ayat-ayat Alkitab Ternama dari Gyenesis 17

Berbagi

Na Abram dii mfirihyia aduakron akron no, AWURADE yii ne ho adi kyerɛɛ no sɛ: Mene Nyankopɔn, Tweaduampɔn, nantew m'anim, na yɛ pɛ.

Na wɔremfrɛ wo din Abram, a ase ne: Agya a wɔama no so bio, na mmom wɔbɛfrɛ wo Abraham ase ne: Nnipakuw agya, efisɛ mayɛ wo aman pii agya.

Na mɛma me ne wo ne w'asefo a ebedi w'akyi no apam agyina wɔ wɔn awo ntoatoaso mu, na ayɛ daa apam, na mayɛ wo ne w'asefo a ebedi w'akyi no Nyankopɔn.

Me de, hwɛ, m'apam da hɔ ma wo, na mɛyɛ wo aman pii agya.

Na Onyankopɔn kae sɛ: Ampa ne ampa, wo yere Sara bɛwo ba ama wo, na woato ne din Isak ase ne: Ɔserew. Na mɛma me ne no apam agyina ayɛ daa apam ama n'asefo a ebedi n'akyi no.

Na mede asase a woyɛ so hɔho yi, Kanaan asase nyinaa, mɛma wo ne w'asefo a ebedi w'akyi, sɛ daa awunnyade, na mayɛ wɔn Nyankopɔn.

Na Abraham de n'anim butuw fam serewee, na ɔkae ne komam sɛ: So wɔbɛwo ɔba ama nea wadi mfirihyia ɔha, na Sara a wadi mfe aduakron no bɛwo anaa?

Na Onyankopɔn ka kyerɛɛ Abraham sɛ: Wo yere Sarai de, mfrɛ no Sarai bio, na mmom Sara, ase ne: Ɔhene babea.

Na muntwa mo ho twetia, na ayɛ me ne mo ntam apam no ho sɛnkyerɛnne.

Na m'apam de, me ne Isak a Sara bɛwo no ama wo afedan sesɛɛ no na ɛbɛpam ama agyina.

Na ɔbabarima biara a wadi nna awotwe no, muntwa no twetia mo awo ntoatoaso mu, nea wɔawo no ofie ne nea wɔde sika tɔɔ no wɔ ɔhɔho biara a ɔnyɛ w'aseni nkyɛn. Otwa na twa nea wɔawo no wɔ wo fi ne nea wɔde wo sika tɔɔ no twetia, na m'apam atena mo honam mu sɛ daa apam.