Ayat-ayat Alkitab Ternama dari YOHANE 6

Berbagi

Ndatoʼo i Yesu ri tau seʼe, “Yakumo roti ngkatuwu, tau anu madadu Yaku bareʼemo da maoro rantani masae-sae. Pai tau anu meaya ri Yaku bareʼemo da maranganga rantani masae-sae.”

Anu mampatuwu tolino inceʼemo Inosa mPue Ala. Roso ntolino bereʼe yowenya. Waʼa mpau anu Kuparataka komi, inceʼe Inosa mPue Ala anu mepatuwu.

Neʼe motetala podo da ndiparata pangkoni anu da pura pai da maronu. Potetalamo da ndaparata pangkoni anu bareʼe da maronu anu da mawai katuwu anu monco pai bereʼe kapusanya. Pangkoni setu da nawaika komi i Ana Manusia, maka Sira roomo ndalanti i mPue Ala Papa.”

Lawi ewanceʼemo pepokono mPapa-Ku; da naka pura-pura tau anu mangangkita Ana pai meaya ri Sia, mampotumpu katuwu anu monco pai bareʼe da reʼe kapusanya, pai da kupatuwu muni ri Eo Kiama.”

Mesono i Yesu, “Anu ndapokono i mPue Ala inceʼemo, da ndiayamo anu ndapokau i mPue Ala.”

Pura-pura tau anu ndapepombaika i mPapa ri Yaku da maʼi madadu Yaku. Pai isema anu maʼi madadu Yaku bareʼe da Kuiri.

Natoʼo i Ncimo Peturu ri Sira, “Pue, ri sema da palai mami? Pau i mPue mawai katuwu anu monco pai bareʼe da reʼe kapusanya.

Yakumo roti anu menaʼu ungka ri suruga setu roti anu mawai katuwu. Tau anu mangkoni roti seʼi da tuwu rantani masae-sae. Roti anu da Kuwai tila ngkatuwu ntolino ri lino inceʼe mo sanga-Ku.”

Ua i Papa anu mampokau Yaku, bareʼe da reʼe tau anu da jela ri Yaku ane banya i Papa anu mawawanaka siʼa; pai bara isema anu jela, inceʼe anu da Kupapembangu ri Eo Kiama.

Maka roti anu ndawai i mPue Ala inceʼemo Sira anu menaʼu ungka ri suruga anu mangawai katuwu ri tolino ri lino.”

Yakumo roti anu mawai katuwu.

Roo setu ndatima i Yesu roti setu, nepa ndapasowa peunde ri Pue Ala. Roo setu ndatila-tilamo roti setu ri tau sondo. Nepa ndatila-tila woʼu bau setu, mangkonimo tau seʼe rantani mabosu. Karoʼo nyamo mangkoni rantani mabosu tau setu pura-pura, ndatoʼo i Yesu ri waʼa anaguru-A, “Ndipasambakamo peruu mpangkoni setu; neʼe boi reʼe anu tetaji.”

Poduanga ntau seʼe lawamo ungka ri wingke, tempo-temponya reʼemo alima bara aono kilo ungka ri wingke. Nakitasaka ntau seʼe i Yesu melinja ri wawo ndano madadu duanga ntau seʼe. Maʼai kojo kaeka ndaya ntau seʼe. Paikanya meboo i Yesu ri tau seʼe ndatoʼo, “Neʼe maeka, seʼi Yaku!”