Ayat-ayat Alkitab Ternama dari UPUTUKILO 6

Berbagi

Yehova yalikonyeka chize atangile atu hano hashi. Chamunehenene chinyengo mu mbunge yenyi.

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

Alioze Noe wawanyine vumbi kumeso ja Yehova.

Yino ye yisemuko ya Noe. Noe wapwile mukwa ululi, keshi kapalia mu chisemuko chenyi. Noe waliendelele ni Zambi.

Kashika Yehova yamba ngwenyi, Atu ano natangile mungwanongesa hashi; ni atu, ni tushitu, ni tututu, ni tujila a mu tetela, mumu hichangukonyekesa chize naatangile.

Mba muze atu aputukile kwoka hashi nikusema ana a mapwo, ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile. Mba Yehova yamba ngwenyi, Spiritu yami kechi kalitachika ni atu matangwa eswe, se iye nawa musunya. Hindu matangwa jenyi kumakapwa kulakaji lia miaka ni makumi aali a miaka. Kwapwile yindululu hashi ha matangwa aze. Mba kulutwe nawa muze ana a malunga a Zambi anjilile kuli ana ja atu a mapwo, o aasemenene ana. Ana aze apwile akwa ndundo a shakulu; akwa lufuma.

Chocho yalinga Noe nikulita ni chize cheswe Zambi yamwamba, chocho yalinga.

Mba Zambi yamba kuli Noe ngwenyi, Kumeso jami songo lia musunya weswe hilieza, mumu hashi hazala to ni upupilo kuli ayo, kashika mungwanongesa hamuwika ni he hashi.

Ulitungile ulungu wa mutondo wa mungofwe. Tunga yipatulo mu ulungu; ukaushile haze ni muchima ni usososhi.

Zambi wamwene hashi kumanyi hapihile mumu akwa mwono eswe hanapihisa majila jo hashi.

Kuli akwa mwono eswe a musunya weswe, aali a ku mavungu eswe vungu ni vungu munjisa mu ulungu ukaafunge a mwono hamwe ni yena, akapwe a kuji ni chihwo.