Ayat-ayat Alkitab Ternama dari YOANE 6

Berbagi

Yesu druga teyitokindro ko adi‚ “Na laga a ’dilo na runa. Ŋutu lo pondra kuwenilo aka gbo’da ku magoni‚ ŋutu lo rugo nalo aka leŋa ’do ku kure na pioni.

Naga yukana na tikindra runa, muguna ani romo. Kulia naga ma na tikindri ta kine de a ti yuka‚ ku ti ru itro.

Ku kokonuta kita ku kulia ti nyosu naga na ’bu’burena‚ ’bo ku kulia ti nyosu naga na gbo’da yeŋadru tozo i ru naga ani lengana, naga ma Ŋiro lo ŋutulo itikindri tana. Lepe a ŋutu laga ma Ŋun laga Monyelo tanyakindri kpiye lonyelo i mugunilo.”

’Bo kulia naga ma Monye liolo nyadri kine‚ se kine de. Ŋutu gele gele laga lo medra Ŋirolo‚ laga lo rugo lepe itro ilo ti gbo’dini ku ru naga ani lengana‚ ma na ku toŋizi lepe i luŋa lo bo lu.”

Yesu druga teyitokindro ko adi‚ “Kita na Ŋun ina nye ina de. Rugita ŋutu laga ma lepe sunyundrilo.”

Ŋutulu giri laga ma Monyelo tikindri na kilo ko ipopondra kuweni. ’Bo ŋutu lo pondra kuwenilo na aka rikodru lepe kaŋoni.

Simona Petero druga teyitokindro lepe adi, “Mata, yi tu ku ŋa ya? Do gbo ku kulia ti ru naga ani lengana kine.

Na laga a ’dilo na ru naga na kiyundra ka i ’diko yuna. Kugbo le’de ŋutu laga anyosu ina ’dilo de‚ lepe igbo’da zoru ’duu. ’Dilo naga ma na itikindrina a mugu niona, ku kulia ti ru na ŋutulu ti ina ka de ina.”

Le’de ŋutu lo romoki pondra kuweni ’bayi kugbo Monye laga lo sunyundro nalo aku pikundro lepe‚ ma na ku toŋizi lepe i luŋa lo bo lu.

’Bo ’dilo na Ŋun ina a ŋutu lo kiyundra kani i ’diko yu i tikindra na ŋutulu ti ka kilo runa.”

Na laga a ’dilo na runa.

Yesu druga ’dumundra ’diloto kine, ku atikindra iyetelo kini, druga korakindra ko ku ŋutulu lo gbigbi’diki kani kilo i dridriŋini. Akorakindra somo kilo itro, i romoki na koŋa. Ku ko laga ayiyimotu, lepe druga takindra lotodiniki kanye kilo adi, “Pepeneta limbito ti’diloto kine, le’de ŋo ka’bi ku liki.”

Ku ko laga akotodru ki’bona beti kilomitazi mukana kugbo bukiye de, ko druga medra Yesu i woro i suburi kini i yeŋundra i ki’bo nyogani. Ko druga poki i kuze. Lepe druga takindra ko adi, “Ŋolo a na. Ku kukuzeta.”