Ayat-ayat Alkitab Ternama dari Dzwan 3

Bagikan

À də bòʼ ìliə yə Zə̀kìy kə ŋge kwu awò àghě mbyi yiy, ù nyə̀ bə̀ kə̀lə̀kə̀lə̀ kə Wà we, nə̀ bəə à də kə ndiə ù tsəb bɛmə dzə̂ â we, wù ùghà wə̀ nì mòŋ này dzə̀ wày an-a-nsə̀àŋì, ù nì kwuni kyilə imuə̀ itsà.

Zə̀kìy kə kə̀ twum bə̂ dzə̂ Wà we fə anə mbyi nə̀ ù bù saʼ wiy aghee mbyi, Zə̀kìy kə twum bə̀ we aŋwòə ù liə ani bii fyi aghee mbyi yə abidzəmə̀ Wà we wə.

Yesù ə bə̀lì kə we nə, “Mə ndzəmə̀ dzìy bə̀ ŋwò â wò nə̀, à mày kə nə̀ ghu mə wù byi kwùnì â wù ani kòʼ loʼo kə Zə̀kìy saʼa nəniy aghee we yiy ate.”

Isaʼ ì liy kâm wày dzə anə tuw kə wù wə̀ ù bɛmə nyiə̀ dzə̂ awò we, a kwuni bû wù wə̀ ù də kamə bɛmə dzə̂ nəway â we, ghu mə saʼ wiy we, aŋwòə wù ghè wə̀ kamə bɛmə dzə̂ â kə̀lə̀kə̀lə̀ kə Wà Kə̀zə̀.

Isaʼ i ghè yə də təŋ ŋwô aŋwòə asə ə̀ zwe ə Kə̀zə̀ maa bû anə mbyi aghe twe màʼà, aŋwòə ghu kwuni liə kə ani mùə̀ a təŋə kələm anə yiə bɛbə yə ghu zəŋə nəniy tsìy fyi asə ə̀ zwe yiy.

Ŋkwiʼi mə̀ we miy kwu ani dùw kwoʼo yəə, mə̀ mâm mìy ki tɛbə tswi tsə.”

Aghû yə̀ àdzə̀m ghu zəŋə nəniy ayiə àbɛbə, ghu dzwə nə̀ asə ə̀ zwe ghè yə̀, ghu nê kə ani zəŋi bə̀ anə asə ə̀ zwe nə̀ aghê fə̂ nə̀ kôʼ ayiə àbɛbə yə ghu zəŋə nəniy.

Wù wə̀ ù tsəb bɛmə dzə̂ nəniy â Wà Kə̀zə̀, wù ù ghà wə̀ kì kyilə ìmùə̀ itsà. Abu wù wə̀ ù twe maʼà ayiə Wà Kə̀zə̀ à dziy yiy, ù nìy wày ani kəli dzə ìmùə̀ itsà. Ù ki lyimə kə ìsaʼ yə Zə̀kìy nî saʼa nəniy we ate nə̀ fòŋ ì ŋəmə̀ yìy.

Anə yiə yə Musîs kə nîy na kwoʼ kə zwə an-a-nyə̀lə a mbvən ə̀ kə̀sisi, à də̀ ighəd ghà nî nìy nia kwoʼə kə soʼò Wà Wù ate.

Təli ŋge liə ŋwoə wà we, ù mə nyə̀ mà ayiə adzə̀m anə wo kə Wa.