Ayat-ayat Alkitab Ternama dari Dzwan 19

Berbagi

Yesù ə swe mu kə nlwù mə̀, dzày tsə nə̀, “I mə mày.” U kwum tswi tsə tuw kə we, dyaŋi pfə.

Yesu kə kwu ŋwô nə̀ ghe mə fàʼ mà ayiə yə ghe kə kwu nəniy ani fàʼ. Ani zəŋi tsə sòʼò nə̀ ayiə yə a twâ doʼò nəniy anə ŋwàʼà k-a-zə̀ a doʼò tsə àsoŋə̀ yìy, Yesù ə dzày tsə nə̀, “Fòŋ swəə miə.”

Abù Yesù kòʼ tsə nəniy zə̂ ə we nə̀ tsə̀ndii ə̀ we wə ù kə ŋge liə nəniy, ghu təmi doʼò nəniy akə̀lə̀ zə̂, ù dzày tsə â zə̂ a we nə̀, “A wìyəŋi, wa niə̀ wə̀ fə.” U dzày yə̀ awò tsə̀ndii yə a we nə, “Wìyəŋi wə̀ nyə̀ də̀ zə̂ yiə̀.” Ani kaʼ tsə anə sòŋə fə ghè fə̀, tsə̀ndii yə nìy zù mùə̀ dòʼò yə̀ nə zə̂ Yesù a ndàw we.

Abù ghu kwuni bû nəniy akə̀lə̀ Yesù, ghu kòʼ tsə nə̀ ù mə pfə, ghu də̀ kə̀ kyemi nəway ifwe i we yiy. Sǔgôʼ ìmòʼ ate anə təsǔgôʼ tə̀ ə tsuk kwoʼ kə Yesù nə̀ ìwuŋ yiy anə ityiə ibvù, kâŋ tìy fyi bə̀ ate nə̀ mwi

Ayiə yə ghii àdzə̀m kə fyi ani zəŋi tsə nə̀ ayiə yə a twâ doʼò nəniy anə ŋwàʼà k-a-zə̀ a bû fyi àsoŋə̀ yìy anə lòʼo kə kə dzîy nəniy nə̀, “Vəb kə we kə̀liy kiy nî kɛmə dzə̀ wày.” I nam twà dòʼò sòʼò anə lòʼo kə̀liy kiy anə ŋwàʼà k-a-zə̀ nə̀, “Ghu nî kòʼò yə̀ ŋwǒ wù wə̀ ghu kə tsuk nəniy we nə̀ ìwuŋ yiy anə ityiə i bvù.”

Sǔgôʼ tə̀ ə nìy kə Yesù, ŋwò yə̀ nə̀ we, ghu ŋwò tsìy fyi yə̀ anə inaʼ nə̀ ù bòʼò kəli kâʼ fə təzəd, zù kwùm tsə anə lòʼo kə ghu kə twoŋə nəniy nə̀ à də̀ “Loʼo kə uvəb u kə tuw.” Ghu twoŋə anə idzə̀ŋì i Hiblù nə̀ à də̌ “Golgotà.”

Sǔgôʼ tìy təm tsə kə ntyàŋì k-a-dòŋ anə təfàb, zəki nyi tsə anə tuw kə Yesù. Ghu nìy kə ndzòʼò sàŋ ìbàŋə̀ yə̀ ùdòŋ wìy dzəŋə̀ nəniy, nìy dzə̀ŋì na tsə azoŋə̀ we.