Ayat-ayat Alkitab Ternama dari Lúkas 17

Berbagi

La Yésus ɔ lágá nyɛ nɛ́: «Tɛ́lɛ́, kɛnɛ́g, ŋyéɓé wɔɔ wá tɔ́hɔ́ wa.»

Kíyáɓɛ́ ki nɛ́ a ályɛ́ wa ŋgele nzambúwá ányúū ɔlɔ́ ndí eceg sig ag sɔ́ wa lí laga nɛ́: ‹Ma lēm ɔ́vuha váma,› ɔ laakɛgɛ nyɛ́.»

Ɛnɛ́ wa á elɔŋ yáɓá a ɛ́nɛ́ɛ́ nɛ́ a tɔɔ́ mbólí, ɔ tímān la mbúh ag ɓégɛ Ɔlolómɛ̄ á lóō lóō. Ɔ ɓɛ́hán á sí míkoo mí Yésus, asú á sí á lí tíi lí nyɛ mitamlan. Nyɔ́ŋ mut a ɓɛ́ɛ́ mɔɔ́n Samália.

Nyɔŋán hɔ́ lítāt! Kíyáɓɛ́nɛ mɔɔ́nyɔ̄ŋ a ályɛ́ wa, yáŋá nyɛ́ ɔ yíhɛ́ nyɛ́ náŋ; kíyáɓɛ́nɛ a lém ɔ́vuha vɛ́ɛ́, laakɛ́ nyɛ́.

Váŋ nɛ́ Yésus a ɓāt nɛ: «Ɓaá, jéŋ jóom lí ɓot lísɛ láh tɔɔ ɓé mbólí é? Ndí, ɓáŋá ɛ́buu bí lɛ véé é?

Nyɔ́ŋ-Ɛsáŋɛ́ ɔ tímānɛ̄ nɛ́: «La mbálɛ kíyáɓɛ́nɛ miní byɛ́ɛ́ ŋyéɓé ákaa diíh lí siŋgí, miníg la li laga lí nyí tín búmɛ nɛ́: ‹Uulán vá, kɛɛ́n ɓɛlɓán á túwɛ›; ɛg ógle ɓɛ́nɛ.»

Tɔ nzáá a ŋga kɛ́ li somo lí lí kómbɛ lí éniŋ yɛ́ɛ́ ag kɛ yɔ́ lí jáŋɛ, ndí tɔ nzáá a ŋga kɛ́ yɔ́ lí jáŋɛ, ag kɛ yɔ́ lí tombanɛ.

Yésus a byɛ́la ɓayége ɓɛ́ɛ́ nɛ́: «Tɔ yá ɓɛ́ láá, mam má mí lɛ, mí ŋga óm ɓot á lí ɓɔŋ lí áɓē. Ndí eɓéé-nyúū la nyɔ́ a ŋga kɛ́ li ɓɛ́ lí njɔm míɓē mí ɓáŋá. Ɛ́ lɛ nsɛ́ŋ nɛ nyíŋ nyaa mut bí tiŋ yɔ lisúŋ lí ŋgɔg á cíŋ, bí léé nyɛ á túwɛ, li loo nɛ́ ag ɓɛ́ njɔm miɓé nyí nyɔ́ a lóohan ntɔ́ga átē a ɓá ɓɔɔ́n.

Ákaa ɛ́ loolóó á eceg yé Nóa, náŋ ki nɛ́ ɛ́ ŋga kɛ́ li ɓɛ́ á ɔlɔ́ Mɔɔ́n Mut a ŋga kɛ́ li sɔ́: ɓot bí ŋgí dí, bíg nyú, bíg nyɔŋ ɓondígá, bíg kɛ á míūg, tɛɛla á ɔ́lɔ̄ Nóa a níŋgléé á ŋkúú. Váŋ nɛ́ épupɛ ecɛ́ŋɛ́ ɛ́ sɔ́ɔ́la libúmbé jé li manhɛ́ɛ mbɔŋgɔ limut ɛsɛ̄.