Ayat-ayat Alkitab Ternama dari Mata 6

Berbagi

Ɗaŋɗe, kaŋ ge waɗe, ge ḛ mbiya kee ne, a yan muluk ge Dok ne pe mage ngay temel ge ne ne. Kaŋ gegene mbe ma no peɗ, Dok mbo hon ḛ num waɗme.

Go mbe no, ne kaa ge ḛ iigi ta ge dwam ge kin̰are pe to, ge dape, dwam ge kin̰are ge na fare ma waɗme. Dwam ge diige mbiya tene ge na yal ma.

A ge pe mbi jan ḛ no go: «Ne kaa ge ḛ iigi ta ge kaŋ ge mbiya ḛ zamma mage njoɗɗa pe ɗoo, ḛ wa mbo kaɗ ge ndwa to, koo ge ba̰a̰ ge mbiya ḛ laa ḛ pe pe to me.» Kàɗɗa ge ndwa ge ndu duwana ne waɗe kaŋ zam to de? Sḛ duul ge ne ne waɗe ba̰a̰ to de?

Kaɗɗa ge mo, sok ge mo ɗege kee kaɗeya, guwa̰ tene ge mo zok wa zì, wa̰a̰ zok wa ya ge mo pagal, kaɗe ge mo Ba ge ndu kuwa ne to ta, mo Ba ge kuwa kaŋ ge mo kee ne wayya zì mbo poɗ mo.

Ḛ kuwa go ḛ mbiya kee kaɗeya pe gyana de: «I Ba ge no pḭḭ ma zì yà! N̰a mo dḭḭl ne kaa harcal. N̰a mo muluk ne mbo ya. N̰a ndu ge diige ne ke laa ɓyareya ge amo Ge suwa pagal dinna ge a kee no ge pḭḭ zì yà go.

Ho̰ i kaŋ zam mà ge mbyaɗ dwam.

Pore i n̰aal ma dinna ge i pore nda ge ke i n̰aal ma go waɗme.

N̰a i deɗ ge pe heeya zì to. Ɗaŋɗe, mo̰o̰ i ge Ba ge zwam tok go. [Ago muluk, pool ge ɓaŋlaŋ, pateya me, Àa amo ma ne ge zaman ma go peɗ. Amin!]»

Mbi jan ḛ ano mbe ge dape, kaɗɗa ḛ pore ḛ ka̰a̰m n̰aal ge kee ḛ num ma ya, ḛ Ba ge no pḭḭ ma zì yà mbo pore ḛ waɗme.

Ḛ ndi njoole ge ɗege no pḭḭ zì ma gale! Àa zare kaŋ rusu to, àa syaɗ a̰me to me, koo àa kwate a̰me ge hal ma se to, go no puy, ḛ Ba ge no pḭḭ zì yà ka wal num. Ndwa gyana ga ge ḛ waɗe num no de?

Ne kaa ge ḛ kwate kaŋ gan ma ge ta pe ge suwa pagal to. Ago àa ge pool wan kaareya koo wagal zam num, àa vḛḛne gezi. Kaɗɗa go to puy, chala ma zuɗ zok, àa ɔwabe num. Ɗaŋɗe, ḛ kwate kaŋ gan ma ge pḭḭ zì yà. Ge sok mbe yà, àa kaare to, buli zam num koo chala ma zuɗ zok mbo chel num to me. Ago, sok ge mo kaŋ gan ma no ne go, mo dwaɗɗa ma mɔɗwag gaa sok mbe yà waɗme.

Ndu a̰me ge kaɗ moor ge nda zi diŋ to, ago mbo seŋe ge ɗu na guwa̰, ne laa wan gegene. To puy, mbo mbarge tene ge ɗu, mbo kuri gegene me. Ḛ ge pool kee tèmel ge Dok mage bware pe go jwàg to.

Kaɗɗa Dok nuusi buu ge don no ful zì ma siŋli mbe go ɗe, num ge nè kuwa num no màno ma, kin̰are àa goole num kan ol zì, go mbe no, ne sḛ ge pool hon ḛ ba̰a̰ ge siŋli waɗeya ma to de? Ḛ nda ge hoɗ fareba hoɗege guwa ma!

Ɗaŋɗe, sok ge mo ɗege mbaa ndu ge hoɗegeya a̰me go, ne kaa ge mo tok magul kuwa kaŋ ge mo tok matoson zige to. Go mbe no, mo mbaaya mbe wa kaɗ wayya zì. Mo Ba ge kuwa kaŋ ge mo kee ne wayya zì mbo poɗ mo.

Zeso gwan jan go, ḛ koy ta ge ngay temel ge ḛ ḛ ge nda duwana ma ndwa go, ge dwaɗɗa ge go num dore ḛ. Kaɗɗa go to, ḛ mbo seɗ poɗɗa ge ḛ Ba ge no pḭḭ ma zì yà ta to.

Sok ge ḛ wan mam njuwal, ḛ suwa̰me ḛ ndwa ma dinna ge nda ge mbuɗi nda ndwa ma go to. Àa suu maa ndwa ma se leɗeɗ, ndwa ngay nda go maa wa̰a̰ mam njuwal. Fareba mbi jan ḛ ne no: Àa seɗ maa tok kon̰a ma ya seɗ zoo. Sok ge mo ɗege wan mam njuwal, usi mo ndwa gezi, mo naŋe mo pagal nùm, ne kaa ge mo ngay nda go mo wa̰a̰ mam njuwal to, ɗeŋew mo Ba ge no sok wayya zì kuwa nee ne. Ne ge kuwa kaŋ ge mo kee ne sok wayya zì mbo poɗ mo.