Ayat-ayat Alkitab Ternama dari San Mateo 2

Bagikan

Y kaj oko' ichi ix nʌj, tu yiro' a cho mejen tiʌ yete u nʌ' a u k'aba' María, tu xonkunto' u pix ti' y tu k'ujinto' y tu jeo' u kuchi tuku but'ik jach ne tsoy u ba' y tu jara u oro, u pom y u mirra y tu sijo' ti'.

Kaj siji a Jesús yok'o Belén u kʌjta Judea a lʌji' u k'ini u wesi a Herodes, taro' ix Jerusalén a ku ya'ba tio' magos a ti' u taro' tuku bin k'in, y tu k'ato': —¿To' tu tiʌ u wesi a judíos aj siji? Tin wiro' u jok'o u ba' kʌ' a tuku bin k'in, ij taro' in k'ujinto'.

Y ka tu yiro' a ba' kʌ', nej jach tsoychʌ u yoro' a magos.

Pachi, yok'o u weak'o' a'bitio' ten K'uj, mu' sut tu tiʌ a Herodes, lʌji' kaj suto' ix u lu'mo' chen yok'o u jer bej. Chen bino' a magos, junturi' u ángel ak Ts'uri tu ye'sa u bʌj ti' a José yok'o u weak' y tu ya'ti': «Lik'en y xen yete a cho mejen y yete u nʌ' ix Egipto y tita a p'ata hasta kin wei'k tech, ka wirik a Herodes bi u kʌxte a cho mejen ti' u kinsik.»