Ayat-ayat Alkitab Ternama dari San Mateo 13

Berbagi

Chen a to'o pʌk'a tu ne tsoy u lu'mi, lʌji' a mok ku yui'k u t'ʌn a K'uj y ku jach metik, ku jach tsa'ya treinta u wich, a juntu ku ts'ek sesenta u wich y a juntu ku ts'ek cien u wich.»

A to'o pʌk'a tu ne yʌn k'i'x, lʌji' a mok ku yui'k u t'ʌn K'uj, chen jai' ku tukrik u bʌj baij ku bin tar u metik, jai' ne ku tukrik u ts'urchʌ, y tu nej ya'p u ba', y ya muj cha'ba ti' u ki uik' u t'ʌn K'uj ti' u ki metik.

A mok ku yui'k u t'ʌn K'uj y muj ki uik', lʌji' bex a u wich a pʌk'a a juti yok'o bej; ku tar a kisin, ku laj ts'ek u laj tup'sik u t'ʌn K'uj aj tsikbʌta' ti'.

A u nek' a ba' a juti yok'o a tunich la' bex a ku yui'ko' u t'ʌn K'uj y toj se'p' tsoy u yoro' u ch'ei'ko' tu pixʌn. Chen mo' tʌm bina' u mots tu yʌn, toj muj xʌnta u kuxta, toj ka tak u tunta' u yor, ka tak kʌxmeta' tuku yuiko u t'ʌn K'uj, toj se'p' ku p'ʌtko' u t'ʌn K'uj.

»A tuku wesintik K'uj a tiʌ kʌ' bex bix jump'e a ba' a ne ko'o ta'kʌ' yok'o a yʌn mok u lu'm, junturi' xi'ra ku yirik a ba' a ne ko'o tita y ku ka takik titai; yete u tsoy u yor, ku bin u kane tu woro u ba' a yʌnti', y ku mʌnik a lu'm tu tiʌ a ko'o ba'.

U jer juti u nek' yok'o tu tsoy u lu'mi ij ch'iji ij tsayi hasta cien u wich, jump'e sesenta u wich y jump'e treinta u wich.

Chae'x u ch'iji ket yete a trigo tura u k'uchu u k'ini ku jo'ka'; ka' k'uchuk u k'ini u jo'ka', ki bin in tuchi'te a mok ku bin u jo'ke ku yʌ bin u jo'ke aj su'k a mo' tsoy, ku k'ʌxik ti' u toka' y pachi, a trigo ti ku bin u li'sa to' in kʌ'che'.”»