Ayat-ayat Alkitab Ternama dari လူႉၵႃႇ 23

Berbagi

ယေႇသူႉ ​ၵေႃႈ​ဝႃႈ၊ ဢူဝ်း​ပေႃႈ၊ ပွႆႇ​လွတ်ႈ​ဢပႅတ်ႈ​ၶဝ်​ၼႆႉ​သေ​ၵမ်း​တီႈ​ၶႃႈ၊ ၶဝ်​ၼႆႉ​ဢမ်ႇ​ႁူႉ​လွင်ႈ​ဢၼ်​ၶဝ်​ႁဵတ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။ ၶဝ်​ဢဝ်​ၶူဝ်း​ၼုင်ႈ​မၼ်း​ၸဝ်ႈ​တူၵ်း​ၸႃႇ​ၵွၵ်ႈ​သေ​လႄႈ ၽႄ​မႅင်ႇ​ပၼ်​ၵၼ်​ဢေႃႈ။

ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ဝၼ်း​မိူဝ်ႈ​ၼႆႉ​မႂ်း​တၵ်း​မီး​လူၺ်ႈ​ၵၼ်​တင်း​ၵဝ် ၼႂ်း​ၽုင်ႇ ပႃႇရတီႉသူႉ ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

လဝ်ႊ​လၢတ်ႈ​တီႈ​ ယေႇသူႉ ​လႄႈ​ဝႃႈ၊ ၸဝ်ႈ​ႁဝ်း၊ မိူဝ်ႈ​ဢၼ်​မိူင်း​ၸဝ်ႈ​ႁဝ်း​တႄႇ​ပဵၼ်​ယူႇ​သေ​လႄႈ​ၸဝ်ႈ​ႁဝ်း​မႃး​ၼၼ်ႉ​ၸိုင်၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ၵဝ်​ၶႃႈ​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​သေ​ယဝ်ႉ​ဝႃႈ၊ ဢူဝ်း​ပေႃႈ၊ ၵဝ်​ၶႃႈ​ဢဝ်​ၸႂ်​ဝီႉၺိၺ်ႇ​ၵဝ်​ၶႃႈ ဢၢပ်ႈ​ၼႂ်း​မိုဝ်း​ၸဝ်ႈ​ႁဝ်း​တီႈ​ၶႃႈ​ဢေႃႈ​၊ ဝႃႈ​ၼင်ႇ​ၼႆ​လႄႈ​ထွတ်ႇ​ၸႂ်​မၼ်း​ၸဝ်ႈ​သေ​ဢေႃႈ။

မိူဝ်ႈ​ဢၼ်​ၶဝ်​ႁွတ်ႈ​ထိုင်​တီႈ​ဢၼ်​လႆႈ​ၸိုဝ်ႈ​ ၵွၵ်း​ႁူဝ် ​ၼၼ်ႉ​ၸိုင်၊ ၶဝ်​ဢဝ်​ၵူၼ်း​ႁၢႆႉ​ၸိူဝ်း​ၼၼ်ႉ တွၵ်ႇ​ဝႆႉ​ၵႃႈ​တီႈ​ၽၢႆႇ​ၶႂႃ​ၸဝ်ႈ​ၵေႃႉ​ၼိုင်ႈ ၵႃႈ​တီႈ​ၽၢႆႇ​သၢႆႉ​ၸဝ်ႈ​ၵေႃႉ​ၼိုင်ႈ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​လူၺ်ႈ​ၵၼ်​တင်း​မၼ်း​ၸဝ်ႈ​ဢေႃႈ။

ၶိင်ႇ​ၼၼ်ႉ​ပဵၼ်​ႁူၵ်း​ၼႃႇရီႇ​ၸမ်​ၸမ်​လႄႈ၊ ပဵၼ်​ဢၼ်​လပ်း​သိင်ႇ​ၵႂႃႇ​ၽိတ်း​ၽိတ်း​တင်း​မိူင်း တေႃႇ​ထိုင်​ႁွတ်ႈ​ၵဝ်ႈ​ၼႃႇရီႇ​ဢေႃႈ။- ဢရွင်ႇ​ၵၢင်​ဝၼ်း​လပ်ႉ​ႁၢႆ​ၵႂႃႇ​ဢေႃႈ။ ၽႃႈ​ၵင်ႈ​ၼႂ်း​ႁိူၼ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​သိၵ်ႇ​ၶၢတ်ႇ​ၵႂႃႇ​ဢေႃႈ။

တပ်ႉ​မူး​ၵေႃႉ​ၼိုင်ႈ​ႁၼ်​လွင်ႈ​တၢင်း​ဢၼ်​ပဵၼ်​မႃး​ၼၼ်ႉ​သေ​ယဝ်ႉ၊ ယွင်ႈ​ယေႃး​ၽြႃး​ပဵၼ်​ၸဝ်ႈ​လႄႈ​ဝႃႈ၊ ၸႂ်ႈ​တႄႉ၊ ၵေႃႉ​ၼႆႉ​ပဵၼ်​ၵေႃႉ​ဢၼ်​သိုဝ်ႈ​တေႃႇ​တႄႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။