Ayat-ayat Alkitab Ternama dari Dhuteronomi 6

Berbagi

Ida Jehovha Mwari wako nomwoyo wako wose nomweya wako wose uye nesimba rako rose.

Zvisimbisei kuvana venyu. Taurai pamusoro payo kana mugere mudzimba dzenyu uye kana muchifamba munzira, kana muchivata pasi uye kana muchimuka.

Mirayiro iyi yandinokupai nhasi inofanira kuva mumwoyo yenyu.

Chinzwa iwe Israeri: Jehovha Mwari wedu, ndiJehovha mumwe chete.

Isungirirei pamaoko enyu sechiratidzo mugoisungira pahuma dzenyu.

Muinyore pamagwatidziro emikova yedzimba dzenyu uye napamasuo enyu.

Itya Jehovha Mwari wako, ushumire iye oga ugoita mhiko dzako muzita rake.

Zvino kana Jehovha Mwari wenyu achinge akupinzai munyika yaakapikira kumadzibaba enyu, Abhurahama, naIsaka, naJakobho, kuti achakupai, nyika ina maguta makuru akanaka, amusina kuvaka imi, dzimba dzizere nezvinhu zvakanaka zvamarudzi ose zvamusina kutsvaka imi, matsime amusina kuchera, minda yemizambiringa namasango nemiti yemiorivhi yamusina kusima, zvino kana muchinge madya uye mukaguta, muchenjerere kuti murege kukanganwa Jehovha, akakubudisai kubva muIjipiti, kubva munyika youranda.

Iyi ndiyo mitemo, nemirayiro zvandakarayirwa naJehovha Mwari wenyu kuti ndikudzidzisei kuti muzviite munyika yamunoyambukira Jorodhani kuti ive yenyu, kuitira kuti iwe, navana vako navana vavo vachavatevera mutye Jehovha Mwari wenyu pakurarama kwenyu nokuchengeta mitemo nemirayiro yake yose yandinokupai, uye kuitira kuti muve namazuva mazhinji okurarama.

Itai zvakarurama nezvakanaka pamberi paJehovha, kuitira kuti zvigokunakirai, mugopinda mugotora nyika yakanaka iyo Jehovha akavimbisa nemhiko kumadzitateguru enyu

nokuti Jehovha Mwari wenyu ari pakati penyu ndiMwari ane godo uye hasha dzake dzichapisa pamusoro penyu, uye achakuparadzai kubva pamusoro penyika.

Musatevera vamwe vamwari, vamwari vendudzi dzakakupoteredzai

Musaedza Jehovha Mwari wenyu sezvamakaita paMasa.