Ayat-ayat Alkitab Ternama dari Yowanis 3

Bagikan

Agut sinɔ Waakoyo poru ɗoo jɛt, gakiɓa Tɔɔn nɛɛk sinɔ omoŋɔŋk, kɛnɔ iɗit sinɔ ŋaadiɗi Toomoy nɛɛkɛkik baŋɛ kikoy badɛ makoy laŋi wɛɛŋa sigɛkoy nɔkoy nɔkoyk.

Mokoɓa Waakoyot wosɛyki Tɔɔn nɛɛk ɗooka kɛnɔ kus pɛrɛdɛ joope ɗookoŋk, ma kɛnɔ bɔdɛr joop ɗookoŋk ɔɔtɛ nɛɛkɛɛk.

Nɛɓa Yeese tongeeɗ kɛ, "Eekeer tona naaŋ. Ɔkɔn kɛɛ iɗit ɓartɛɛt kɛkarŋ, ki oolɛ akoy dɛnɛ burɛ Waakoyotoŋkuŋ."

"Iɗit sinɔ ŋaadiɗi sɛɛnek kiidɛɛkoy pɛrɛdɛɛt, ma iɗit sinɔ ki ŋaadiɗiit sɛɛnek agut sinɔ kiiɗi ŋaadiɗiit Toomoy Waakoyotoŋk sinɔɔnɛ omoŋɔŋkuk pɛrɛdɛɗɛɛɓa ɗeeŋk.

Pirdi nɛɛk sini. Kusɓa pɛɗɛrka ɗooka, yakanaɓa joop porur nyuugur a kaalɛ pɛɗɛrka agut sinɔɓa ijaag nɛngk tikiyɛɛk.

Ɗɛyɛ sɛɛna a ɓɔŋgɔɔrɛ ɛɛk rakaaya, ma eeta ɗɛyɛ a rikita ɛɛk ɗooka.

Iɗit sinɔ ijaag tikiyɛɛk ɓooyu pɛɗɛrka, kiiki deran pɛɗɛrkaata kɛnɔ kat yaaŋgɛɛɗ ɛɛk ijaag nɛɛkɛɛk.

Iɗit sinɔ ŋaadiɗi Toomoy Waakoyotoŋkuk, lak wɛɛŋa sigɛkoy nɔkoy nɔkoyk. Mayakana iɗit sinɔ ki ŋaadiɗiit Toomoy Waakoyotoŋkuk, kikoy laŋiiɗ wɛɛŋa, ma lak goopan Waakoyotoŋk raŋk."

Ɗɛyɛ Tɔɔna Etoŋk a laalawɛɛ keet rakaay oko sinɛɓa laalawuɗu Muuse kooko awɛytoŋk keet rakaay paaton takik

Poru Ɛpɛna Tɔɔn nɛɛkiŋ, gageeɗɓa ɓaŋkawuka baŋɛ ariita.