Ayat-ayat Alkitab Ternama dari Wongeela Maarqoosii 6

Berbagi

Namooti hedduun kuun dhufaa kuun deemaa waan jiranuuf, Yesuusii fi barattooti isaa yennaa areeratanulle dhabane. Tanaaf inni isaaniin, “Ka'aa mee takkaa addee qoomi'ititti baaneen foorfattanii” jedhe.

Yesuus ammoo, “Raagaan tokko, addee dhibi'itti malee, biyya ifii, firoottan ifiitii fi maatii ifii keessatti ulfinna hin qabu” isaaniin jedhe.

Yesuus qarqara bisaaniititti hoboloo keessaa yennaa baye, gumii guddoo ta akka hoolota tissee hin qannee fakkaattu dhaggee isi'ii gadde. Maarre inni waan hedduu isaan barsiisiisa jalqabe.

Yesuus worra dhibameeru diqqaa tokko irra harka ifii keyee fayyise malee, baasota dhibii achitti hujiisaaf hin dadeenne. Dhugeeffannaa dhabuun kolba'aa isa maadeffachiitte. Yesuus olloota adaala sanii mara keessa dhaqee barsiise.

Yesuus xaltaa shanii fi qurxummii lamaan fuudhee gara samayi'ii ol-gubba'aa ilaalee eebbise. Achiin duuba xaltaa daabbo'oo san caccassee, kolba'aaf akka qoodanu barattoota ifiititti kekenne. Inni qurxummii lamaan sanille akka nama mara geettuuf kukkute. Nami maraayyuu nyaatee quufe. Barattooti isaa hanbaa daabbo'ootii fi qurxummi'ii kolonjoo kudhanii lama mijuu fuudhane.