Ayat-ayat Alkitab Ternama dari Wongeela Maatewoosii 6

Berbagi

Dursa'aatii mootummaa Waaqaatii fi balchummaa isaa barbaada'a; tun martinuu isiniif hin kennanti.

Maarre marroo boruutiif hin yaadina'a; guyyaan boru ifiifuu yaaddoo isa gewu qaba. Rakkinni adhaa adhaaf hin geya.

“Tanaaf ani isinitti hima, jiruu teessaniif maan nyaanna, yookiin maan unna, yookiin marroo nafa keessanii, maan uffanna jettanee hin yaadina'a. Jiruun sagalee, nafi woyaa hin caaluu?

Ati ammoo yennaa daadimattu, gara kolloo teetii seen, balbala cufadhuu, gara Abbaa keeti ka addee dhokatte jiruu daadimadhu. Abbaan keetille, ka waan ati dhossa'aan huju dhaggu, gatii teeti si'iif hin kenna.

“Tanaaf, yennaa daadimattanu, ‘Abbaa keenna ka ol-gubbaa jirtu, Maqaan keeti woyyoomuu; mootummaan teeti dhuttuu; fedhiin teeti akkuma ol-gubba'atti teete, lafalle'etti teetuu.

Sagalee guyyuma guyya'aan nuu barbaachittu adha nuu kenni.

Akkuma nuuti worra nu yakkuuf araarannu, yakkaa teenna nuu araarami.

Hamaalessa irraa nu eegi malee, ataabe'etti nu hin galchin. [mootummaan, hunni, ulfinnille baruma baraan keetuma. Ameen]’ jedha'a.

“Yoo isin yakkaa namootaaf araarattane, Abbaan keeessan ka ol-gubbaa jiru isiniif hin araarama.

Sinbirroota ilaala'a; isaan midhaan hin facaasanu yookiin haamanee gootara'atti hin galachanu; Abbaan keessan ka ol-gubbaa jiru isaan nyaachisa. Isin guddoo sinbirroota hin caaltanuu ree?

Yesuus dabalee, “Addee qooqqanna'aa fi ciillayiisi balleessutti, hattuulle cassittee seentee hattutti, as lafa tana irratti karra teessan hin kuufatina'a. Ammoo addee qooqqanna'aa fi ciillayiisi dande'ee hin balleessine, hattuulle cassitee seentee hatuu hin dandenne, ol-gubba'atti karra teessan kuufadha'a. Yennaa mara addee karri teessan jirtu gadhaan keessanille jira.

Yesuus itti dabalee, “Nami tokko garbicha goottolee lamaa te'iisaaf hin dande'u; tokkocha hin jibba, kaan hin jaallata; yookiin tokkocha ulfeessee kaan tuffata. Akkasuma Waaqaa fi beese'eef tajaajiluu hin dande'u” jedhe.

Waaqi marra adha mudhatee, boru ibiddatti gatamu yoo akkas uffise, isin fa'a attam caalchisee uffisuu dhaba ree? Isin worra dhugeeffanaa diqqo'oo!

Ati yennaa arjoontu ammoo, waan harki keeti middichi godhiisatti jiru harki keeti bitaachinuu hin beekin. Maarre arjoom keeti dhossa'aan te'uu ti; Abbaan keeti ka waan ati dhossa'aan tolchitu dhaggu, gatii si'iif hin kenna.

Yesuus, “Nami akka isin dhagguuf jettanee hujii dansaa isaan duratti akka hin hunye ifi eeggadha'a! Akkas yoo gootane, Abbaa keessan ka ol-gubbaa jiru biraa gatii hin qaddanu.

Yesuus, “Yennaa laantanu, akka worri kijibu tolchu fuula keessan hin addeessina'a. Laamuu isaanii namooti akka dhagganuuf isaan ifi addeessan. Ani dhugumaan isinitti hima, isaan gatii ifii fudhataneeran. Ati ammoo yennaa laantu, fuula keeti dhiqadhu, mataa keetille iffadhu! Tanaaf laamiisa keeti, Abbaa keeti ka addee dhokatte jiru qofatti beeka malee, worri dhibiin beekuu hin dande'u. Abbaan keetille, ka waan ati dhossa'aan hujju dhaggu, gatii teeti si'iif hin kenna” jedhe.