Ayat-ayat Alkitab Ternama dari matta 2

Berbagi

kšmn ntni s‑tgmmi, s‑ẓran aḥšmi d‑innas maryam. ḍrn f‑ifaddn‑nsn, knun s‑wakal ġ‑lgddam‑ns. rẓmn itlsan‑nsn, fkn‑as tiwafkiw n‑uwrġ d‑lbh̬ur d‑tujjut l‑lmurr.

ilul yasuɛ ġ‑uwssan n‑ugllid hirudus ġ‑tmdint n‑bitlaḥm ġ‑tmazirt n‑yudaya. uškan‑d kra n‑imajusin zġ‑ššrq ġ‑uwssan‑an s‑tmdint n‑urušalim ar‑sqsan: «maniġ illa ġwalli‑d‑iluln a‑ig agllid n‑ayt‑yudaya? nẓra itri‑ns ġ‑ššrq, našk‑id ad‑as‑nsjd.»

lliġ sfldn ntni i‑mad‑asn‑inna‑ugllid, munn‑daġ d‑uġaras‑nsn. iban‑asn‑d‑daġ itri lli‑yadlli‑ẓran ġ‑ššrq, frḥn bahra s‑lfrḥ iggutn. izwur‑asn itri aylliġ ilkm iggi n‑illiġ illa‑uḥšmi, ibidd.

iml‑asn rbbi ġakudan ġ‑twargit a‑ur‑wrrin s‑dar hirudus. amẓn ilmma aġaras yaḍni s‑tmazirt‑nsn. lliġ ddan ntni iban‑d yal‑lmalak n‑sidi rbbi i‑yusf ġ‑twargit yini‑as: «nkr tawit aḥšmi d‑innas trwlm s‑tmazirt n‑miṣr, tqamam‑n ġin ard‑ak‑iniġ a‑di‑twrrim, ašku hirudus ra‑isiggil s‑uḥšmi‑ad a‑t‑inġ.»