Ayat-ayat Alkitab Ternama dari Jǒn 3

Bagikan

Ké nǎ, Osówo, ejíí e/jê ǎ kanong kanong, nkyí nké o/kye kyitông ńkyí ncen-Wǎn emen, eringe nyí nang yeě mú mu o-bángê e ne nyǐ ne dyityém emen oo*ba/chi o-kpú* nké o-kyú u ne dyikpen ńdyí ne banyá.

Ké ebóng, Osówo o*da/twóm Wǎn emen o-bâ ké ejíí o/fu, oba-pan kányí mpan* nké o/fu, oba-kyú kányí Onet-Onyii.

Jisos o-faa ǎ o/fu, me mu n-sét ng ǒ ké ntûntû n/fu, onet nang obónge o*fí mú o/chi o-ri Butu ḿbú Osówo* â ba*da ǎ echîbwât ba-fwon*.

Nang yeě nké mu o-bángê e ne Wǎn-Osówo ne dyityém emen, Osówo oo*pan ǎ mpan*. Nang yeě mú o*da/bángê ne nyǐ ne dyityém emen* Osówo oo/pan ǎ mpan dêndên, ké ebóng, onet ámu o*da/bángê ne ncen-Wǎn-Osówo ne dyityém emen*.

Dyizong-bukwóp ḿbún nké mpan ámu mu o-cen n. Kiinwángé kii/bê ké ejíí, nké banet, kyifip kyi-nyîn n kámbé kyi-shwôm kiinwángé, ké ebóng, mbe ba-chi i byibî-byěm.

Nyǐ o-man o-firi kiǐtí-onet o-shwôm oshwǒm, nké me m-man m-bwa kyísí kyísí.

Onet nang orá mú mu o-chi i byibî-byěm, kiinwángé kyi-sa ng ǎ kafâ, ne oo*ba/chi o-bâ ké kiinwángé* ké ebóng, nyǐ o*fí o-ryuu ng o/fu, byibî-byěm emen ḿbyí nyǐ mu o-chi i byibyí kyíjí wááng*.

Nang yeě nké mu o-bángê e ne dyityém emen ké Wǎn-Osówo o/firi ne dyikpen ńdyí ne banyá. Nang yeě nké o*fí o-chi i ńkyí Wǎn-Osówo o/sét* oo*ba/chi o-kyú ne dyikpen* nké busa-dyityém ḿbú Osówo bu/chi bu-waa ne nyǐ ne banyá.

Eringe nyí Músis o/mû o/bêem efyi nyí kiǐré nyí ké kyikwap o-bi cip ké kyikim-dyikán, eringe ányi ebónge to nké ba/chi ba-bêem Wǎn-Onet ba-bi cip

Wǎn-Osówo mu o-jê ng Bonchí emen, ne Bonchí oo/kúng kángkáng byěm o-fé ǎ ké bubwô.