Ayat-ayat Alkitab Ternama dari Махьтвеест 24

Berbagi

И законтеммесвуд ласнамуж дет еннэгин чоац?-?кат савшамуш. А ки кондешкоат кедже райя, ленч пасманч.

И тат царвуд Евангели ленч сагэтаманч пук манд эльн, свидетельвуден пукэд олмэд, и танна поат кеч.

Нуть‐же куллэветте тормужи баяс и тормужи саги баяс. Киччед, іеллед сурькестал: тэн дет што тэз пукэд галгэч ляйд; а тат вял елляк кіеч.

Выллигет олмэ олмэ эл, и царвут царвуд эл; и ленджет нялгастомуш, кэб, и мад‐торгестомуш пайки мелт. Тат вял пук ли кэб алгэт.

Эльм и мант пудет: а му саг е пуд.

Тэн дет што еннэги подет му ным вольн, и альгет сарнед: мон лям Христос, и еннэгит сій кезет ряхка.

Танна ленджет эньтлед тійид піехсемуже, и коньдешкодет тійит; и тій ленджветте еппе савашаманч пукэнь олмэнь му нэмест. И танна еннэге кезвудет ряхка; и каньц каньдзес альгет энтлед, и е саввошэшкодет каньц каньдзес. И еннэг келес‐пророкит коццэет и кезет еннэгит ряхка.

Исус цилькій сійит воста: варедикке тэн дет, ни ки ій кезэчи тійит ряхка.

Тэн‐дет и тійид галк ляйед валмэшит; тэн‐дет што кон цас еппед іорьд, пот олмэ эльк.

И нуть валвэтекке, тэн‐дет што еппе тед, кон цас тій Господ пот.

А тэн пейвест и чассэст ни ки ій тіед, ни эльм ангель, эхт му еч.

Тэн дет што коццэет келес‐христи и келес‐пророки, и эньдет шур чоаетумүжит и чудьвудет, ряхка кессем дет, коть вает, и валлэшаммет.

А махт ляй Ной пейвэть, нуть ленч и олмэ эльг поттем‐налест. Нуть, махт эвд‐бельт кэцкем‐баль порриш, юккиш, найтлэттиш и вэйттиш куйе, тэн пейв райя, кось Ной мэній ковчеги; И ет юртманч, кон ій поатманч кэцкмуш, и лоптаманч пукэдь: нуть и ленч олмэ эльг поттем‐наль.