Ayat-ayat Alkitab Ternama dari MATEO 24

Berbagi

Tu yo'olal le ya'ab kaasil cun antalo', ya'ab cun u jáws u yaabilticuba'obi'. Ba'ale' le máax cu mu'uka'antal u yóol tac tu xuule', bíin to'ococ.

U ma'alob péectzil le ajawilo' bíin tze'ecta'ac ti' tuláacal yóokolcaab, u ti'al ca kaj óolta'ac tumen tuláacal caajo'ob; leti' túun quéen talac u xuul.

Te'exe' yaan a wu'uyique'ex u péectzil ba'atelo'ob waye' yéetel te'elo'; ba'ale' ma' u ja'akal a wóole'ex, tumen bey unaj u yúuchul, ba'ale' ma' u xuuli'.

Tumen jun p'éel caaje' yaan u bíin u ba'atel ti' u láak caaj, yéetel jun p'éel lu'ume' yaan u ba'atel ti' u láak lu'um; yéetel yaan u yantal wi'ijil, koja'anil yéetel quíilbal lu'um jejeláas tu'uxo'ob. Tuláacal lela' chéen u cáajbalil le ba'ax cun mukyajtbilo'.

Ca'an yéetel lu'ume' bíin máanaco'ob, ba'ale' in t'aano'obe' ma' bíin máanaco'obi'.

Tumen ya'ab máax cun taal tin kaaba' táan u ya'alico'ob: Teen le Cristoo; ya'ab máax cun u tuso'ob.

Bíin ku'ubuque'ex túun u ti'al ca loobilta'aque'ex yéetel bíin quíimsa'aque'ex, yéetel tuláacal yóokolcaab cun p'ectique'ex tin wo'olal. Ti' le kiino'obo' ya'ab cun síistal u yocsaj óolali', yéetel yaan u ch'a'ap'ecticuba'ob, yéetel yaan u paaclan kubicuba'ob yéetel tuus. Bíin taalac ya'abcach tuusil máaco'ob bíin u ya'alo'ob táan u t'aano'ob tu kaaba' Junab Jajal Dios, ya'abcach máaco'ob cu bin u tuuso'ob

Jesuse' tu núucaj ti'ob: Canantaba'ex, ma' a tu'usule'ex tumen mix máac.

Le o'olale' te'ex xane', nu'uctaba'ex; tumen le kiin ca tucultique'ex ma' túun taale', leti' quéen taalac u Paal Máac.

P'il ichnene'ex, tumen ma' a wojele'ex ba'ax hora quéen taalac Yuumtzilo'.

Ba'ale' ba'ax kiin wa ba'ax hora quéen úuchuc, mix máac u yojel, mix u ángelilo'ob ca'an, mix u Paal Máac. Chéen Jajal Dios le Taata u yojelo'.

Tumen yaan u taal tuusil máaco'ob cu ya'alicuba'ob cristo'ob yéetel yaan u ya'alico'ob táan u t'aano'ob tu kaaba' Junab Jajal Dios; yéetel yaan u beetico'ob ya'abcach chíiculalo'ob, yéetel jakbe'en ba'alo'ob u ti'al u tuusico'ob, wa ca páataque' tac le máaxo'ob yéeya'ano'ob tumen Jajal Dios.

Je'el bix úuchic tu kiinilo'ob Noee', bey xan bíin úuchuc le quéen taalac u Paal Máac. Ti' le kiino'obo', ma'ili' taalac le búulcabalo', le máaco'obo' táan u janalo'ob, táan u yukulo'ob, yéetel táan u dzo'ocol u beelo'ob tac le kiin ca j ooc Noé ichil le nojoch cheemo'; ma' tu na'atajo'ob mix ba'ali' tac le kiin ca j taal le búulcabalo' ca j láaj bisa'abo'ob. Bey xan bíin úuchuc le quéen talac u Paal Máac.