Ayat-ayat Alkitab Ternama dari Jâŋ 16

Bagikan

N nzâʼ nzʉ̂ ndaʼ wéi mwo məno, ə́ njí ńgó pei lâr mbəʉ zéi lə́ məŋ, ə mbwórə pə̂ məntə̂ʉ pei. Pei ghʉ̌ jwó ngwôʼ cər nzʉ̂, lə́ pei sáʼ mətəʉ məŋ nkə mâʼ ngoŋ, ə́ nzʉ́.»

Ə Zəghʼə Ndêi-lěi ghʉ̌ tó, ə́ ghʉ̌ pei jí no lə́nə́ʉ tsəm, ńté no zʉ́ lâʼ no lə́nə́ʉ. A ghʉ̌ lâʼ yé məno mi ə́ kwǎr cər ntə̂ʉ zʉ́ po, lə́ a ghʉ̌ leʼtə pə̂ məno mi a zǔʼ, ə́ pǒu leʼtə́ wéi məno mi ə́ pə́ mbi mə́ ntó.

Lə́ tə nkə́u mpfu wo, pei kə́ laghʼ wéi ləjôghʼ zâa ńdóu có zə̂u mbó Sê. Pei lóu, Sê wo ŋə́ lə́ pei, ə̂ lêi yə́rə́ lətsei pə́ məntə̂ʉ pei, ə́ fú mbə́ tə có zə̂u pûŋ yé mə́u po.»

Lə̂ mpfu wo, n ndaʼ wéi gháʼa no lə́nə́ʉ ńgó ə́ pə́ ntúŋu ńgó n ndə̂r, ə́ njí ńgó pei zʉ̂ pəi; ńté no n ndə̌i ndə́iʼ lə̌r po, nzoŋ-tû wei tô yé po. Lə́ n ndə̌i ndə́r, n nkə́u ńtə́u yé ńŋə́ lə́ pei. A ghʉ̌ tó, ə́ ghʉ̌ pye ndəu-nzʉ̂ jí ńgó gháp ghʉ pə̂ no tə́poŋ, ə́ mbou lə́u mbyér njî gháp zə̂u yi no tə́poŋ ə̂ zěi po, lə́u mbyér njî gháp zə̂u yi no lə́nə́ʉ ə̂ zěi po, lə́u ə́ mbyér njî gháp zə̂u yi ə fêʼ kôr laghʼ ńdâʼ po.

Pei zéi lə́wó pə̂ mpfu wo, ə́ mə́ nzʉ́ŋ; lə́ n ntáa ghǐ pǒu jwó wéi shwi shwî, pêi cʉ́ʼ mbə́ pə́ cər lətsei, cǒ ŋuu póu kûʼ yé lə̂ nkə́ʼtə́ wei lə̂ ntsêi po.» «Ə́ ghʉ̌ pə́ leʼé wêi, pei kə́ ntúŋu wéi ghâa có no po. Məŋ ndâʼ wéi kwaʼ lə́nə́ʉ ńgó pei lə̌i ndághʼ ləjôghʼ zâa ńdóu zə̂u mbó Tə́ ghâa, mə́i a wo ŋə́.

Məŋ ndâʼ wéi kwaʼ lə́nə́ʉ ńgó pei ghʉ̌ tsə́rə́, ə́ pǒu lǎa ə́ mpfu yi pye ndəu-nzʉ̂ pə́ ntsěi. Pei ghʉ̌ pə́ zʉ́ŋ, lə́ nzʉ́ŋ zei póu shərə́ ńcʉ́ʼ lətsei.