Ayat-ayat Alkitab Ternama dari Taruparea̧ Ma̧ȩ 2

Berbagi

Ado Ütë tjamo̧ judi ja̧di dari̧ japea̧ oaiä, ¿yö̧ta dari̧ cjo̧ro̧täreji̧ri̧dirȩ ëbaji̧ri̧ judiro̧? Yö̧ta dari̧dë, jabechji̧ üi̧ judi jibëa̧ iei̧ pio ji̧ ëba̧rä, jabechji̧ a̧dë baätäremȩdejȩrȩ jibëa̧ ama̧i̧ ji̧ri̧, pio jȩa nö̧riji̧ri̧ pio ji̧ri̧. Aja̧, pio ji̧ri̧ a̧dë baätäremȩdejȩrȩ jibëa̧ iei̧ pio ji̧ nö̧ta ëba cjiapea̧ oa, ji̧mo̧ cjiapea̧ oa. Jabechji̧ üi̧ judi jibëa̧ iei̧ ji̧ ëba̧rä, cjarȩmȩ pumȩmi̧ dari̧ cjiadiädirȩ. Yo̧a̧ri̧ pumȩrërea̧ ji̧, jabechji̧ cja̧rȩmȩ pumȩmi̧ dari̧ cjiadiädirȩ ëba̧ pio ju̧i̧iä.

Ja̧dëa ji̧ Jeova Ütë judi yo̧rëremȩde üi̧ pio ju̧i̧ chjiari. "Jabechji̧ üi̧ judi jibëa̧ma̧i̧ cjo̧ro̧pea̧ üdë chjadëdëde. Jȩa a̧doyi̧ ji̧ decjiamȩrȩ cjo̧ro̧pea̧ üdë chjadëdëde. Ado pio ju̧i̧iä a̧dopayi̧ pio ji̧ jëdanȩ yürüpareconȩ pio judimi̧ dapayi̧ pio ji̧, ëba cjo̧ro̧payi̧ pio ji̧."

Ado ja̧dëa ji̧ Jeova Ütë judi dabura̧ pio ju̧ni̧ra̧ chopami̧ dari̧ japarëremȩdejȩ pumȩmi̧ da oa. Ado chopami̧ dari̧ japa ëte pjurarëremȩdejȩ jibëa̧ i̧bu puërä cjo̧ro̧ tänȩpea̧ oa, pumȩpapea̧ oa. Aja̧, pjura̧ pio ju̧i̧iä pumȩpea̧de. Daburëremȩmi̧ dadëri̧ pumȩpea̧de.

Ado Ada̧ judi bëdüa̧rä, judi Ütërë pea jüdüpea̧ pio ji̧ daea̧rä, ‘Chia chia, ca̧ jadüni̧ca̧da, ca̧ go̧a̧mi̧ dani̧da, jabechji̧ pio cüdëmi̧ dani̧da’ quëna̧ jo̧rȩtamȩrȩ yo̧rëremȩde jibëa̧ iei̧ pio ji̧ chjiari. ‘Aja̧, ca̧ juremȩra̧ pio ju̧ri̧ra̧ jüdüpea̧ oa cjiani̧ca̧da, ado pio ju̧i̧iä iei̧ yo̧mȩ ma̧ȩ oa yo̧paquiji̧da’ quëna̧ jo̧rȩtamȩrȩ yo̧rëremȩde Ada̧ judi.

Ado ja̧di tara pio jiro do oa, ca̧i̧ta̧ra̧ ichiri cja̧rȩmȩ do chjätä ëte dopea̧mȩ do pio ju̧i̧, jabechji̧ china̧chjari̧ tutimi̧ dari̧ japarëremȩdejȩ. 'Aja̧, cüdë chjö̧na̧i̧ oa pareapadäräa̧ ji̧ cjiadiäa̧quëda, chjö̧na̧i̧ oa pareapadäräa̧ oaiä cjiadiäa̧quëda, järätä chjapami̧ dari̧ cjiadiäpea̧ oa cjiadiäa̧quëda' quëna̧ jo̧rȩtamȩrȩ tutimi̧ dari̧ japarëremȩdejȩ pio jiro domȩ oa, 'do üdë ba chia tjamo̧dida' quëna̧ jo̧rȩtamȩrȩ.

Ado judirä, jabechji̧ üi̧ judi jibëa̧ iei̧borë i maearë cjo̧ro̧rëreji̧ri̧dirȩ. Jabo i maearë cjo̧ro̧rërea̧räbo, jabechji̧ idëri̧ cjiadë marëreji̧ri̧dirȩ.