Ayat-ayat Alkitab Ternama dari Luke 5

Berbagi

Na ogyaa kasa no, ɔsee Simon dɛ, Kwan kɔ mbrɛ ɔdɔ, na hom nkɔtow hom mboa mfa nam.

Na Simon buae see dɛ, Yewura, yɛayɛ edwuma anafua yi nyina, a yeennya hwee; naaso w’asɛm ntsi mobɔtow eboa no. Na wɔyɛɛ dɛm no, wɔpaa nam pii, ma nkyɛ hɔn mboa retsetsew.

Na ɔtwee noho kɔr sar no do kɔsɔree.

Mammbɛfrɛ atseneneefo, na mbom ndzebɔnyɛfo, dɛ wonnu hɔnho.

Na Simon Peter hunii no, ɔhwee Jesus n’ananadze see dɛ, Ao Ewuradze, fi me nkyɛn kɔ, na meyɛ nyimpa dzebɔnyɛnyi.

Na Jesus buae see hɔn dɛ, Hɔn a wɔtse hɔn apɔw mu no, wonnhia oduyɛfo, na mbom hɔn a wɔyar no a.

Na wɔdze hɔn ahɛn bodwiir daadze no, wɔdaan ne nyina gyae, na wɔkaa no do.

Na ɔbaa dɛ ɔwɔ nkurow no mu kor mu no, hwɛ, ɔbarimba bi a kwata ayɛ no ho ma baa hɔ; na ohun Jesus no, ɔdze n’enyim butuuw famu, na ɔserɛɛ no see dɛ, Mo wura, sɛ epɛ a, ibotum dɛ ema mo ho san. Na ɔtseen ne nsa dze kaa no see dɛ, Mepɛ, wo ho nsan. Na ntsɛmara na kwata no fii no ho.

Na afei dze ne nka tahyee mbordo, na nyimpadodow pii behyiaa dɛ woribetsie no, na ɔasa hɔn nyarbanyarba.