Ayat-ayat Alkitab Ternama dari Luke 11

Berbagi

Na sɛ hom a hom muo yi mpo nyim mbrɛ hom si dze akyɛdze pa ma hom mba a, mpɛn ahen ara na hom Egya a ɔwɔ sor no nnkɛfa Sunsum Krɔnkrɔn ama hɔn a wobisa no?

Na mese hom dɛ, Hom mbisa na wɔbɛma hom; hom nhwehwɛ na hom bohu; hom mbɔ mu na wobobue ama hom

na obiara a obisa no onya; na nyia ɔhwehwɛ no ohu; na nyia ɔbɔ mu no wobobue no.

Na ɔsee hɔn dɛ, Sɛ hom rosɔr a, hom nse dɛ, Egya, wo dzin ho ntsew, w’ahendzi mbra.

Na fa hɛn bɔn kyɛ hɛn, osiandɛ hɛn so yɛdze kyɛ obiara a ɔdze hɛn kaw. Na mma mmfa hɛn nnkɔ nsɔhwɛ mu.

Ma hɛn hɛn daa daa edziban daa.

Nyimpadua ne kandzea nye w’enyiwa: dɛm ntsi ber a w’enyiwa yɛ kann no, nna wo nyimpadua nyina so bɛyɛ kann; na ber a omuo no, nna wo nyimpadua no so yɛ kusuww.

Obi nnsɔ kandzea nnsi kukua mu, anaa kuruw ase, na ɔdze si kandzeadua do, ma hɔn a wɔhɛn mu eehu kan no.