Ayat-ayat Alkitab Ternama dari MATIYUT 8

Berbagi

Yogo mbareegwa, Yetut nen, ”Kit kiniki liirogon abet nombaka'lek monggotak yi, nonggop nduk kinagabiti yogo ogotik?” yorage nagagirik, mi'na'nuk, o wiya inom, yi inom, mberege mbareegi, abolok lek abu puk aret agagerak.

Yoge mbareegi, at aap yigin unde inowe nogo nen, ”Ai nogoba. An aap mbuuluk me, kat nen an name unggwi woroorak meek o. Koone mban yemenggendak keenok, nayeloman obeelom arigin o.

Yoreegerak nogo at Yetut aruk konengge nagagirik, ”Wi!” yinuk, pi wake logonet, it inom wogogwaarak nogo yorage logonet, ”It Iterali mendek inenggela'me nen aap iniki abet nombake yogop yi ambi, an kaga'lek aret agarik o, yinuk, abet aret yokkiragi.

Yorage nagagirik, Yetut nen aap yigin unde inowe nogo yoge logonet, ”An eeriyak abet nombakendak nogo ndak-ndak eeppagagin me, kame nak o.” Yoge mbareegi, ayeloman nogo ne ti eyom paga aret obeelom agagerak.

Puk age mbareegi, it aakumi nogo nen, ”Wi!” yinuk, pi wako logonet, ”Wologwe. O wiya inom, yi inom, at oone konengge menggerak yi, aap nano mendek mbakop?” yinuk, yereegwaarak.