Ayat-ayat Alkitab Ternama dari Matiu 7

Berbagi

“Hangaa-ngaa nipembiáꞌ oaꞌ i Pueꞌ Ala, hai bateꞌna ina Naweꞌikou. Nipeliꞌ miꞌi apa to niparaluu, hai bateꞌna ina nilámbiꞌ. Nikadoꞌ babaꞌ moliu pekakaemi, hai Pueꞌ Ala ina mobungkáhiákou rárá molámbiꞌ apa to niparaluu.

Láwiꞌ heáná to membiáꞌ ina raweꞌi. Heáná to mampeliꞌ ina molámbiꞌ. Heáná to mokadoꞌ babaꞌ, ina rabungkáhiá.

“Heáná to mampehádingi laluitaNgkuꞌ hai mampeuláꞌi, peisá rapándiriꞌ nodo hadua tauna to bukeꞌ pekiri to moaró támbina i wongko watu to mahile ntepuꞌu hai maróhó.

“I pákáꞌ-pákáꞌna, apa to niundeꞌ rabábehi hángká rángámi i kómu, iti woꞌo to hangaa-ngaa nibábehi i tauna ntániꞌna. Iti miꞌi ntóáꞌna Paturoꞌna Musa hai paturoꞌ hangko i nabiꞌ-nabiꞌ.

Mahingkiꞌ babaꞌ hai maꞌángkárá rárá to monóntóhi katueꞌ to maroꞌa to tiꞌara mokahópóꞌá, hai tiꞌara handaꞌ tauna to mouláꞌ rárá iti. Maeláꞌ babaꞌ hai rárá to monóntóhi naraka, hai handaꞌ tauna to mouláꞌ rárá iti. Mewaliꞌ mesuaꞌkou moliu babaꞌ to mahingkiꞌ, bona ina tueꞌkou oaꞌ hingkakani hai Pueꞌ Ala.”

Mahingkiꞌ babaꞌ hai maꞌángkárá rárá to monóntóhi katueꞌ to maroꞌa to tiꞌara mokahópóꞌá, hai tiꞌara handaꞌ tauna to mouláꞌ rárá iti. Maeláꞌ babaꞌ hai rárá to monóntóhi naraka, hai handaꞌ tauna to mouláꞌ rárá iti. Mewaliꞌ mesuaꞌkou moliu babaꞌ to mahingkiꞌ, bona ina tueꞌkou oaꞌ hingkakani hai Pueꞌ Ala.”

Kehapiꞌ kadake lalumi, agáiáná niꞌisá mani mampoweꞌi apa to maroꞌa i ánáꞌmi. Pelumbuꞌna mani Umámi to ara i surugáꞌ! Naisá ntepuꞌu mampeweꞌi apa to maroꞌa i heáná peá to membiáꞌ i Hia.”

“Ineeꞌkou mosalaꞌi hángká rángámi, bona tiꞌarakou woꞌo nasalaꞌi Pueꞌ Ala, láwiꞌ noumbá rárá pobutusimi i hángká rángámi, rárá iti woꞌo to ina napakeꞌ Pueꞌ Ala i kómu.

Agáiáná tauna to mampehádingi laluitaNgkuꞌ deꞌe hai tiꞌara mampeuláꞌi, peisá rapándiriꞌ nodo hadua tauna to bebe to moaró támbina i wongko wungi.

Moapa riꞌi haneꞌi mampeita pekou kabiloána rángámi to kókóiꞌ peá, mole riꞌi kabiloámi to nodo miꞌi tuhaꞌ kamahilena, tiꞌaranto nihádiá? Noumbá miꞌi kapeisámi mampolaluitaꞌá rángámi, ‘Maikoꞌ, ina kuwehángi kabiloámu,’ mole i mátámi ara kabiloámi to nodo miꞌi tuhaꞌ.

“Maingáꞌ-ingáꞌkou i nabiꞌ-nabiꞌ to moánti laluita to salaꞌ. Rauliꞌ laluitaraꞌ hangko i Pueꞌ Ala, mole riꞌi tiꞌara. Haweꞌheꞌ i oloꞌmi nodoheꞌ dimbá, mole riꞌi hira nodoheꞌ serigala to maseke. Niꞌisá podongkoꞌraꞌ ane niꞌita wuaꞌna pobágóꞌraꞌ to kadake. Wuaꞌ anggoroꞌ tiꞌara rapupu hangko i putri malu, hai wuaꞌ ara tiꞌara rapupu hangko i dui sule.

Kau to maruduꞌ maroꞌa wuaꞌna, kau to maduhuꞌ tiꞌara maroꞌa wuaꞌna.

Tiꞌara ara kau to maroꞌa, wuaꞌna kadake, hai tiꞌara woꞌo ara kau to kadake, wuaꞌna maroꞌa.

Upu-upu kau to tiꞌara mowuaꞌ maroꞌa, ina ratiwi hai ratibe i lalu api.