Ayat-ayat Alkitab Ternama dari Matyu 11

Berbagi

“Ket dakayu nga agrigrigat se̍ madagdagsennan, umbe̍t kayu kuma ngas iyaken, ta iyaken ya mange̍cde̍ ka pagtalnaan nu.

Paituray kayu kuma ngarud iya paglinteggac, nga maiyarig ka sangul nu, ket agpaisuru kayu iyaken. Ta iyaken, natuluc se̍ napakumbaba ngac met. Dikad pe̍ no umbe̍t kayu iyaken, ket mapatalna kayu ngarud.

Ta ya arig nga isangul ku, ket nalaka. Ket ya arig nga ipaagtuc, ket nalag-an,” kunen ne̍ Je̍sus.

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac se̍ diya gabay ngas niya Anac nga pangipakaemmuwan igina.

Ket kinunen ne̍ Je̍sus igida, “Sumoli kayu iya edyan ne̍ Juan, ket ibaga nu igina diya nagicna se̍ nasingen nu idi. Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag.

Ket dakayu nga uwed pannakaawat na, tandaanan nu kuma ngarud yan.