Ayat-ayat Alkitab Ternama dari Kub 17

Berbagi

Abburamu obu akaba ahikize emyaka kyenda na mwenda ey'obukuru, MUKAMA yamubonekera yamugambira ati: “Ninyowe MUKAMA ow'obusobozi bwona, okolege ebi ndukugonza nukwo ohikirre.

Kuruga hati tokyayongera kwetwa Abburamu, baitu orayetwaga Abburahamu, habwokuba nkufoire ise amahanga maingi

Ndigumya endagaano yange ei ndagaine na iwe, kandi ndigigumya n'abaijukuru bawe ebiro byona, ebe ndagaano ey'ebiro n'ebiro, mbe Ruhanga wawe kandi w'abaijukuru bawe.

“Hati omanye naragaana na iwe, oliba ise amahanga maingi.

Ruhanga yagamba ati: “Nangwa, baitu Saara mukazi wawe naija kukuzarra omwana omwojo; olimuruka ibara Isaaka. Ndiragaana na uwe endagaano ey'ebiro byona, erikwatwa n'abaijukuru be.

Ensi enu yoona Kanaani ei orukwikaramu, ndagikuha kandi ndigiha n'abaijukuru bawe ebe nsi yanyu ey'ebiro n'ebiro, kandi na nyowe ndaabaga Ruhanga wanyu.”

Aho Abburahamu yajuumara, yaseka wenka ati: “Si obu, nyowe omusaija anyakuhikize emyaka kikumi, na Saara mukazi wange ow'emyaka kyenda, niitwe turazaara omwana?”

Kandi Ruhanga yagambira Abburahamu ati: “Mukazi wawe otalyongera kumweta ibara Sarai baitu omwetege Saara.

Muraasarwaga ekisusu eky'omubiri gwanyu, ako nuko kaliba karorwaho ak'endagaano yange ei ndagaine na inywe.

Kandi ndigumya endagaano yange na Isaaka, Saara ou alikuzarra mwaka ogurukwija omu kasumi nka kanu.”

Omu biro byanyu byona omwojo weena enkerembe ou muraazaaraga, asarwege ekisusu ky'omubiri gwe amazire kuhikya ebiro munaana; buli musaija weena asarwege obu araabaga ali w'oruganda rwanyu, rundi ou muguzire na sente zaanyu hali omunyaihanga atali w'oruzaaro rwanyu, ogu anyakuzairwe omunju yanyu, rundi anyakuguzirwe na sente, boona basarwege. Endagaano yange nukwo eriba eti ey'ebiro n'ebiro ha mubiri gwanyu.