Ayat-ayat Alkitab Ternama dari I BAKORINTHE 15

Berbagi

Ka baka leo, banabeso ba ratwang, tiyang matla, le se ke la sisinyeha, mme le nne le eketse kamehla ho sebeletsa Morena, le ntse le tseba hobane mosebetsi wa lona e ke ke ya eba wa lefeela Moreneng.

A re leboheng Modimo o re neileng ho hlola ka Morena wa rona Jesu Kreste!

Le se ke la lahleha: ditlwaelano tse mpe di bodisa mekgwa e metle.

Empa ke ka mohau wa Modimo ke leng seo ke leng sona; mme mohau wa wona ho nna ha o a ka wa eba lefeela; empa, ke ba fetisitse bohle hole ka ho sebetsa; empa e seng nna, e leng mohau wa Modimo o ho nna.

Na lefu, tsenene ya hao e kae na? Wena lebitla, ho hlola ha hao ho kae na? Tsenene ya lefu ke sebe, mme matla a sebe ke molao.

Bonang, ke le bolella sephiri: ha re ka ke ra robala bohle, empa re tla fetoha bohle, hang, ka ho panya ha leihlo, ka terompeta ya morao; hobane terompeta e tla lla, mme bafu ba tla tsoha, ba se ke ba boela ba bola, mme le rona re tla fetoha.

Hobane lefu ha le hlahile ka motho, tsoho ya bafu le yona e hlahile ka motho. Hobane jwalokaha bohle ba eshwa ka Adama, bohle le jwale ba tla boela ba phele ka Kreste.

Hobane e ka kgona ho bolang hona ho apare ho sa boleng, le ho shwang hona ho apare ho sa shweng.

Hobane e ka kgona a buse, a tle a be a bee dira tsohle katlasa maoto a hae. Sera se tlang ho fediswa moraorao ke lefu.