Ayat-ayat Alkitab Ternama dari I BAKORINTHE 13

Berbagi

Lerato le sebete, le mosa; lerato ha le na mona; lerato ha le na boikgantsho; ha le ikgohomose. Ha le etse ho swabisang, ha le ipatlele tsa lona, ha le halefe, ha le hopole bobe.

Le mamella tsohle, le dumela tsohle, le tshepa tsohle, le jara tsohle.

Ha le thabele bokgopo, le mpa le thabela nnete.

Mme jwale, tse tharo tsena di a sala: tumelo, le tebello, le lerato; empa e kgolo ho tsona ke lerato.

Lerato ha le ka ke la timela le ka mohla o le mong. Athe haele boporofeta, bo tla fela; leha e le dipuo, di tla lesa ho ba teng, le yona tsebo e tla fela.

Leha nka bua dipuo tsa batho le tsa mangeloi, ha ke se na lerato, ke jwaloka koporo e llang, leha e le simbala e modumo o moholo.

Mme leha nka ba le neo ya boporofeta, kapa leha nka tseba diphiri tsohle le bohlale bohle, leha nka ba le tumelo yohle, ka ba ka falatsa le dithaba, ha ke se na lerato, ha ke letho.

Mme leha nka aba maruo a ka wohle, ka fana ka wona, kapa leha nka tela mmele wa ka hore o tjheswe, ha ke se na lerato, tseo ha di nthuse letho.

Ha ke ne ke le ngwana, ke ne ke bua jwaloka ngwana, ke ne ke hopola jwaloka ngwana, ke ne ke lekanya jwaloka ngwana; mohla ke fetohileng monna, ke lahlile tsa bongwana.