Ayat-ayat Alkitab Ternama dari ម៉ាថាយ 18

Berbagi

យ‌៉័ះ ហះ ចារ ចំ កាតាម ផា ទី ប៉ាណូស អ្វៃ លួម គួប សោប ញន កា សឿ អាញ់ យ‌៉័ះ ដឹង ពៀរ ប៉ៃង ដូវ កាតាម អាញ់ ចឹង អ្វៃ អន់ឌូ លូ អន់ឌែ ដេល»។

អាញ់ ប៉រ់ រ៉ះ កា អន់ដីស ណាវ្គ ផា កាណុង កាំឡាំង អន់ដីស អា ផា ទី ប៉ាណូស ពៀរ ដូវ ភម ពុត ប៉ិច ម៉ន់ ប៉រ់ សារ ញ៉ា កាតាម ពឹង អង់កក់ តេះ អា ពឹ អាញ់ ឡាក់ អ្វៃ ពឹង ប៉្លៃង តោ អ៊ែ ចឹង អន់ តាទឹច ឡូត។

យីស៊ូ អើ គន សាស្វា ម៉ោញ ដូវ អន់ អន់តាវ ហះ អន់តិគ័ កាំឡាំង សឹះ។ កេះណោះ អ៊ែ កាប ផា «អាញ់ ប៉រ់ រ៉ះ កា អន់ដីស តាទឹច ផា ផា អន់ដីស អូ ប៉ិនពែង ពុត ពៀក អន់ ឡាក់ កា សាស្វា អន់ដីស ចឹង អូ ទី ប‌៉្រ័ះ រ៉ាំងហៃ រ៉ាំងខ្យា អុះ។

ទឹល នីណោ័ះ ពឿ ប៉ាន់ថិ ពុត ឡាក់ កា សាស្វា អា ប៉ាណូស ណោះ ចឹង ប៉្រគ័ តីស ឡឹង ពូ ប៉ាគ់ ប‌៉្រ័ះ ប៊កកាតយ័ រ៉ាំងហៃ រ៉ាំងខ្យា ទៀ។

«បក់ ពឿ ប៉ិច ចៃ កា សាស្វា ម៉ោញ ដូវ ឡាក់ កា សាស្វា អា ញន អាញ់ ណោះ អ៊ែ ប៉ិច ចៃ កា អាញ់ ដេល។

អាញ់ ប៉រ់ រ៉ះ កា អន់ដីស តាទឹច ផា សារ ញ៉ា អន់ដីស ចឹង ទឹប ពឹង អង់កក់ តេះ អា ប‌៉្រ័ះ ប៊កកាតយ័ ទី ទឹប កេះ សារ ញ៉ា អន់ដីស អន់ ពឹង អង់កក់ តេះ អា ប‌៉្រ័ះ ប៊កកាតយ័ ទី អន់ កេះ ដេល។

«ទិ កាំឡាំង អន់ដីស អា ពឿ អូ ចៃ អ្លាត ដោះ ទិ សារ ញ៉ា ឡាក់ អុះ ម៉ី អន់ដីស ទី ប៉្រគ័ យច លូ អន់ដីស ពឹ អាញ់ ឡាក់ អ្វៃ ពឹង ប៉្លៃង តោ អ៊ែ ចឹង ប៉្រគ័ ឡាក់ កា សាដាច់ ណោះ ដេល»។

ហះកា បក់ ចំ ប៉ាណាំ កាំឡាំង បក់ សឿ អាញ់ ចាក យច ទ្រង យ‌៉័ះ ប៉ាណូស សឿ ណោះ ថិ ឡឹង ពូ កាតាម បក់ ណោះ ចឹង ប៉ាណាប ខាក់ ហង។ ផា ពូ អ្យក់ អំហ្មោ តីស កត់ អន់ទល ពឹង អង់កូ បក់ ប៉ាណាំ ប៉្រគ័ យច ណោះ កេះណោះ ប៉ាឡិ ពឹង ទៀក សាឡីគ សាឡាយ អន់ អ៊ែ តោ័ ឡង់ ទៀក ណោះ ដាគ់ លឺន ឡឹង អន់ អ៊ែ ប៉្រគ័ យច។

«អន់ដីស ឃឹត នីចម័ ផា ទី កាម៉ាក័ ម៉ោញ ដូវ អ៊ែ ទី ចៀម ១០០ កល់ ទី ចៀម ម៉ោញ ហ្យើត ហ៊្យង ឡឹង គួប អ៊ែ។ ប៉ាណូស ណោះ ចឹង ប៉្រគ័ នីចម័ ? ចាបះ កា អ៊ែ ចឹង អ្លាត ចៀម ៩៩ កល់ ពឹង ប៉ានឹម កេះណោះ អ៊ែ ឡាំ ណាំង ចៀម បក់ ហ៊្យង ម៉ោញ កាតុ ណោះ ហង។