Ayat-ayat Alkitab Ternama dari Jɛnɛsis 9

Berbagi

Ni Nyɔŋmɔ kɛɛ, “Enɛ ji kpãŋmɔ lɛ ni mikɛ nyɛ kɛ nɔ fɛɛ nɔ ni hiɛ kã ni kɛ nyɛ yɔɔ lɛ ekpãŋ kɛyaa yinɔi ni baaba lɛ fɛɛ lɛ he okadi. Mikɛ mikwaabuɛtɛ miito atatui lɛ amli, ni efee kpãŋmɔ ni yɔɔ mi kɛ je lɛ teŋ he okadi.

Kɛji kwaabuɛtɛ lɛ fo yɛ atatui lɛ amli lɛ, mana ni makai minaanɔ kpãŋmɔ lɛ ni kã mi kɛ nibii srɔtoi fɛɛ ni hiɛ kã ni yɔɔ shikpɔŋ lɛ nɔ lɛ teŋ lɛ.”

Mɔ ni shwieɔ gbɔmɔ lá shi lɛ, gbɔmɔ nɔŋŋ aaashwie lɛ hu elá shi kɛ̃ ejaakɛ Nyɔŋmɔ su nɔ Nyɔŋmɔ bɔ gbɔmɔ yɛ.

Nyɔŋmɔ jɔɔ Noa kɛ ebii lɛ, ni ekɛɛ amɛ akɛ, “Nyɛfɔa ni nyɛyi afa, ni nyɛyia shikpɔŋ lɛ nɔ obɔ̃ tɔ.

Nɔ fɛɛ nɔ ni tsiɔ ehe ni ehiɛ kã lɛ atsɔ̃ nyɛniyenii, ni tamɔ bɔ ni mikɛ shwie ŋmɔŋ ehã nyɛ lɛ, nakai nɔŋŋ mikɛ nɔ fɛɛ nɔ ehã nyɛ.

Shikpɔŋ lɛ nɔ kooloi fɛɛ kɛ loofɔji kɛ nɔ fɛɛ nɔ ni wamɔɔ yɛ shikpɔŋ lɛ nɔ kɛ ŋshɔŋ loi fɛɛ ashe nyɛ gbeyei ni nyɛheŋmiŋmi amɔ amɛ, nyɛdɛŋ atu amɛ awo.

“Ni nyɛ lɛ, nyɛfɔa ni nyɛyi afa; nyɛwoa shwiei babaoo yɛ shikpɔŋ lɛ nɔ, ni nyɛyi afa yɛ nɔ.”