Ayat-ayat Alkitab Ternama dari Jɛnɛsis 17

Berbagi

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

Atsɛŋ bo Abram dɔŋŋ, shi moŋ aaatsɛ bo Abraham, ejaakɛ mahã ofee maji pii atsɛ.

“Mahã mikpãŋmɔ ni kã mi kɛ bo teŋ lɛ ama shi shiŋŋ, ni eeetsɔ̃ naanɔ kpãŋmɔ ehã oshwiei ni aaaba yɛ osɛɛ lɛ yɛ amɛyinɔi fɛɛ mli; matsɔ̃ Nyɔŋmɔ mahã bo kɛ oshwiei ni aaaba yɛ osɛɛ lɛ.

“Mi kɛ bo miikpãŋ kpãŋmɔ nɛɛ, ni oootsɔ̃ maji pii atsɛ.

Nyɔŋmɔ kɛɛ akɛ, “Okɛ oŋa Sara lɛ baafɔ binuu, ni obaawo lɛ gbɛi akɛ Isak. Mahã mi kɛ lɛ kpãŋmɔ lɛ ama shi ni etsɔ̃ naanɔ kpãŋmɔ ehã eshwiei ni aaaba yɛ esɛɛ lɛ.

Mikɛ shikpɔŋ ni obato gbɔ yɛ nɔ nɛɛ baahã bo kɛ oshwiei ni aaaba yɛ osɛɛ lɛ. Kanaan shikpɔŋ muu lɛ fɛɛ aaatsɔ̃ oshwiei anɔ kɛya naanɔ, ni matsɔ̃ amɛNyɔŋmɔ.”

Kɛkɛ ni Abraham kɛ ehiɛ bu shi ni eŋmɔ, ni ekɛɛ ehe akɛ, “Ani nuu ni eye afii oha lɛ aaanyɛ ekɛ yoo afɔ bi lo? Sara ni eye afii nyɔŋmai nɛɛhu lɛ aaanyɛ afɔ bi lo?”

Asaŋ Nyɔŋmɔ kɛɛ Abraham akɛ, “Oŋa Sarai lɛ, kaatsɛ egbɛi akɛ Sarai dɔŋŋ, shi abaatsɛ lɛ Sara.

Afolɔ nyɛ ketia, ni no atsɔ̃ kpãŋmɔ ni yɔɔ mi kɛ nyɛ teŋ lɛ he okadi.

Shi mikpãŋmɔ lɛ, Isak mɔ ni Sara kɛ bo aaafɔ biɛ afi naakplɔ lɛ, lɛ mikɛaakpãŋ.”

Binuu fɛɛ binuu ni eyɔɔ nyɛteŋ ni eye gbii kpaanyɔ lɛ, afo lɛ ketia; binuu fɛɛ binuu yɛ nyɛyinɔi fɛɛ mli, mɔ ni afɔ lɛ yɛ owe lɛ jio, akɛ oshika he lɛ yɛ gbɔ ni jɛɛɛ oshwiei lɛ ateŋ jio, afo lɛ ketia. Fo afo mɔ ni afɔ lɛ yɛ owe lɛ mli kɛ mɔ ni okɛ oshika he lɛ fɛɛ ketia koni mikpãŋmɔ lɛ ahi nyɛheloo mli akɛ naanɔ kpãŋmɔ.