Ayat-ayat Alkitab Ternama dari Juɛl a pwɔdɛn tɛ Mak 6

Berbagi

Ɔci Yecu gɔkjɛn eken ti: Bɛdɛ ɣɛke pokɛn; ikin otin non a wuwɛ, aŋkɛ wutin parɛ. Ɣoŋkɛnda ma bɛnɛ a coŋɛn eken ti ɔci dɔkɛn, aŋkɛ non a cotɛn nɛ pwɔdɛn tɛ omɛn am ballɛ bɛ.

Ɔci Yecu gɔkjɛ: Ma ballɛ ɔntɔ yumgɛn a nyɔnkɛ tɛ minɛ a nebi. Ma ban ji ɔci ma eke yumgɛn aŋɛ nyɔn bɛ.

Yecu bɛnɛ ɔci gɔrcɛn ma ballɛ a coŋɛn a coŋɛn, ɔci yum pɔkɛ ma ti, ma ballɛ ba kulen dɔkɛn pokɛn, minɛ yuucɛ bawɛ; ɔci Yecu jɔcɛn tɛ laldɛn ma tɛ juɛl nɛ tolɛn.

Ɔci Yecu yakɛn ti tɛ naŋtɛ wakɛ tolɛn wɛni bɛ, dalɛ ma tabdɛ Eke tɛ biŋkɛ a diɛkɛn, aŋkɛ pɔŋnɛ eken tɛ wajɛ. Ɔci Yecu punɛn tɛ ma jithɛn bɛ. Ɔci Yecu atɛ bote bunkɛ, ma laltɛn tɛ juɛl.

Am luldɛn Yecu a intu, ɔci yak ayo; ɔci gɔrcɛn nyalɔ jitɛn, muortɛ Juɔŋ a Tolɛn ti, ɔci am wɛtɛn; ɔci ɣonnɛn tɛ makɛ botɛn aŋkɛ ɣonnɛn tɛ ma wakɛnda; ɔci yak ayo wɛnɛn tɛ ma wakɛnda. Ɔci ma omɛ wakɛnda ɔci munɛn. Ɔci ma limmɛ am dulɛn ma ɔci ɔden kwumjɛ inyakɛn witkɛn ayo; ɔci yoŋ yak wutɛ ballɛ.