Ayat-ayat Alkitab Ternama dari Luka 13

Berbagi

“Timunu teko twatwal pi donyo kiye ekeko adiding; pien awaco ne wu be, jo atot bino mito donyo i Ajakanut ka Rubanga, do likame kibino karuno.

Dako moro oudo tie kuno kame tipo areco oudo omio angwal pi mwakini tomon kiwie kanyauni; en oudo ekude di likame bobo etwero cungo di eriere da. Kakame Yesu bin onene kede, eko lwonge di eko waco ne be, “Dako ni, in do kotieko gonyi ki angwal ni.”

Yesu oko keto cinge i wi dako nono, cucuto di eko cungo malo di eriere, di do en eko donyo pako Rubanga.

Di do jo mogo kame nan tie me ajikini ko bino bedo me agege; jo mogo kame nan tie me agege ko bino bedo me ajikini.”

Pien kame won ot otieko yai malo di eko cego ekeko mere, wun ibinunu dong cungo ooko di ikukungunu ekeko di iwacunu be, ‘Rwot, Okwe yab wada,’ do en ebino dwoko ne wu be, ‘Ango akwia kakame wun iwokunu kiye.’

Ango awaco ne wu be, likame kamano; aso ka likame iswilarunu, wuda dedede ibinunu to kamanono.”

Do en ebino waco ne wu be, ‘Awaco ne wu be, ango akwia kakame wun iwokunu kiye; orwaunu tenge kibuta, wun jo kame timo tim areco!’

Di do Yesu oko penyere be, “Ajakanut ka Rubanga ber cal bala nyo? Doko da, abin apore kede nyo? En ecal bala nyige me karadali, kame dano moro otero di eko ot cuno i poto mere; en eko dongo di eko doko yat adwong kame winy apor oko bino gero ude gi i ajange mege.”